| Gurukul Homeopathic Philosophy by Dr Manoj Makani |
|---|
| Written by : Dr Ajaz Khan |
| Truth always exists, but only those who search deeply can understand it. Truth cannot be created or changed. For example, gravity existed long before Isaac Newton discovered and explained it to the world. In the same way, the Law of Similia already existed. Samuel Hahnemann understood this principle and showed how it could be used in medicine. Homeopathy treats a person as a whole, not just one part of the body. The knowledge we receive from our Guru (Master) should be listened to carefully. Information becomes knowledge when we listen carefully (sune), think deeply (soche), understand properly (samjhe), and apply it practically in our life. When we truly experience it as truth, then we can bring it into our practice. |
| Learn Through the Gurukul Homeopathy Education System To: Understand the practical aspects of the Organon of Medicine. Understand practical Materia Medica. Learn how to quickly receive cases, separate common and uncommon symptoms, make totality, and select the correct remedy. Serve humanity by reducing suffering and helping people heal. |
| How the Gurukul Homeopathy Learning System Works The Gurukul system is an ancient method of teaching and learning where the Guru (Master) teaches students in the simplest, practical, and proper way. Gurukul Family : Guru (Master) = Knowledge giver ; Shishya (Student) = Knowledge receiver |
| Gurukul Learning Process Shravana → Manana → Nididhyasana Shravana = Listening carefully Manana = Thinking and understanding deeply Nididhyasana = Applying the knowledge in life Meaning:Guru ke bataye gyan ko dhyan se sunna, uspar soch-vichar karna, acche se samajhna, aur jab uski sachchai ka anubhav ho jaye tab usko apne jeevan aur practice me apply karna. |
| Objectives of the Gurukul Education System Self-control ; Development of: Character ; Personality ; Social understanding ; Intellectual growth ; Spiritual growth ; Preservation of knowledge and culture |
| Q: Ek teacher ko students ko kya sikhana chahiye? A: Ek teacher ko students ko sirf information nahi, balki kaise sochna aur samajhna hai yeh sikhana chahiye. |
| Jinko seekhna hota hai, woh kahin bhi seekh sakte hain — ghar me, school me ya kisi bhi jagah. Seekhne ki sachchi iccha insaan ko lagatar koshish karna sikhati hai, aur jab iccha sacchi ho to uparwala khud sahi teacher ya guide se mila deta hai. Kisi bhi philosophy ko samajhne ke liye us vyakti ki soch ko samajhna zaroori hai jisne us philosophy ko likha ya apne jeevan me apply kiya ho, warna misinterpretation hone ke chances bahut hote hain. Jab hum baar baar aise vyakti ki baatein sunte hain jisne un baaton ko apni life me safalta se jeeya ho, to dheere dheere woh baatein hamare mann me jagah bana leti hain aur hume bhi waise jeene ki prerna milti hai. Jeevan me khush rehna bahut saral hai, lekin saral rehna bahut kathin hai. Nature bhi hume waise hi return deta hai jaisi hum usse expectation rakhte hain. Isi tarah, jab tak insaan apne kaam ko pasand nahi karta, tab tak usme asli safalta paana mushkil hota hai. Jeevan me advice dene wale bahut milte hain, lekin hamesha us vyakti ki baat maanni chahiye jiske paas us kaam ka practical anubhav ho. “Give and Take” ka asli arth hai pehle dena aur phir lena — pehle imaandari se seva deni chahiye, aur phir saamne wale ki affordability ke hisab se lena chahiye, kyunki zyada lalach dheere dheere insaan ki soch aur shanti dono ko bigaad deta hai. |
| Q: Kya aapko homeopathy seekhne ki sirf ichha hai ya homeopathy seekhna aapka mission hai? A:Agar homeopathy seekhna sirf aapki ichha hai, to ho sakta hai kuch time baad aap padhai chhod kar kisi aur kaam me lag jayein. Lekin agar homeopathy seekhna aapka mission hai, to aap roz lagan aur mehnat se seekhenge, mushkilon ke baad bhi rukenge nahi, aur dheere dheere usme expert ban jayenge. |
| Q: Kya humein apne Guru (Master) ki har sikhayi hui baat par aankh band karke bharosa karna chahiye? A: Nahi, humein apne Guru (Master) ki har baat ko bina soche samjhe nahi maanna chahiye. Humein unki baaton ko dhyan se sunna, samajhna aur apne vivek se parakhna chahiye. Jo baat sahi aur jeevan me upyogi lage usko apnana chahiye, aur jo galat lage usko chhod dena chahiye. Kisi bhi kaam ko baar baar practice karne se woh dheere dheere ek skill ban jata hai, aur phir woh subconscious level par naturally hone lagta hai. |
| Q: Kya cheez human ko baaki sabhi organisms se alag banati hai? A: Sochne, samajhne aur vivek se faisla lene ki shakti hi human ko baaki sabhi organisms se alag banati hai. |
| Q: Kya wajah hai ki aaj bahut saare homeopath apni pathy ko practice nahi karte? Possible Answers from Non-Homeopathic Practitioners Practical application of Homeopathy sikhane wala koi proper teacher nahi mila. Homeopathy me bahut saare approaches hain, isliye confusion hota hai ki kaunsa seekhein aur practice ke waqt kaunsa apply karein. Homeopathy ko practically apply nahi kiya, isliye khud results par confidence nahi bana. Kai jagahon par logon ko Homeopathy par vishwas kam hai, isliye patients treatment ke liye jaldi nahi aate. Homeopathic medicines ke baad aggravation ka dar hone ki wajah se log treatment lene se darte hain. Logon ko lagta hai Homeopathy slow kaam karti hai, aur aajkal logon ke paas wait karne ka patience kam hai. Case taking me zyada detail poochne par kuch patients bore ya irritate ho jate hain. Illiterate patients kai baar sawalon ke sahi jawab nahi de pate, isliye case complete karna mushkil ho jata hai. Homeopathy me bahut saari remedies aur symptoms hote hain, isliye students confuse ho jate hain ki kya yaad rakhein aur kaise apply karein. Kuch cases me itne zyada symptoms milte hain ki remedy selection me confusion ho jata hai. Emergency cases me logon ko lagta hai ki Homeopathy kuch nahi kar sakti. Yeh sab zyadatar confusion aur practical understanding ki kami ki wajah se hota hai. Samuel Hahnemann ne inme se bahut se sawalon ke jawab 200 saal pehle Organon of Medicine me diye hain. Jaise jaise hum Organon ko dhyan se padhte aur samajhte hain, waise waise hamare sawalon ke jawab milte jate hain. |
| Kyu hum aaj 200 saal se zyada samay hone ke baad bhi Homeopathy ko ghar ghar tak nahi pahuncha paye? Kyu Homeopathy itni saral, sasti aur purani hone ke baad bhi har insaan tak nahi pahunch payi? Kyu jab Homeopathy ka oppose hota hai to hum confidently jawab nahi de pate? Kyu hum emergency cases lene se darte hain? Kyu zindagi aur maut jaise serious situations me hum active role nahi le pate? Kyu Homeopathy me disease ke naam ki fixed medicine nahi hoti? Kyu aaj bhi bahut kam log Homeopathic treatment lete hain? Kyu humein “placebo doctor” kaha jata hai? Kyu humein apni science aur medicines par pura bharosa nahi hota? Kyu hum society ka trust Homeopathy par nahi bana pa rahe? Kyu medicine dene ke baad bhi mann me shak rehta hai ki kaam karegi ya nahi? Kyu ek remedy kaam na kare to hum turant dusri ya combination remedies dene lagte hain? |
| Kyu hum patient ke sawalon ka yaqeen ke sath jawab nahi de pate? Kya Homeopathy se meri takleef theek hogi? Is problem ki Homeopathy me koi medicine hai? Theek hone me kitna samay lagega? Homeopathy kis tarah kaam karti hai? Is medicine se koi side effect to nahi hoga? |
| Q: Kyu hum Homeopathy seekh nahi pa rahe? A: Seekhna to chahte hain, lekin… Problems / Excuses Koi sikhane wala nahi mila Practical training nahi hai Waqt nahi milta Dusre kaam bahut hain Online lectures ki audio-video quality acchi nahi hoti Philosophy boring lagti hai Aur bahut saare excuses… Lekin sach yeh hai ki excuses se koi skill nahi aati. Jo insaan sirf excuses karta rahega, woh zindagi bhar nahi seekh payega. Lekin jisko sach me seekhne ki iccha hoti hai, uske liye God khud sikhane ka raasta bana deta hai. Bas ek shart hai — haath par haath rakh kar nahi baithna, balki seekhne wale ko khud talaash karna. |
| Gurukul Homeopathy Training Gurukul Homeopathy ki taraf se practical training camps me students ko practically Homeopathic principles ke according remedy selection aur patient treatment sikhaya jayega. Agar waqt nahi milta, to waqt nikalna padega, kyunki jis cheez ko hum priority dete hain uske liye waqt apne aap nikalta hai. YouTube channel aur weekly online sessions me philosophy shayad shuru me boring lage, lekin jab philosophy samajh me aati hai tabhi asli Homeopathy samajh me aati hai. Agar videos ek baar me samajh me nahi aaye to unhe baar baar dekho — dheere dheere understanding develop hone lagegi. |
| Q: Kyu humein Homeopathy ke true principles par bharosa nahi hota? A: Kyuki humne Homeopathy ke principles ko deeply samjha hi nahi aur unhe sincerely practice me apply bhi nahi kiya. Jab tak koi principle dil se accept nahi hota aur practice me experience nahi kiya jata, tab tak uspar sachcha bharosa nahi aata. |
| Q: Kyu hum Homeopathic philosophy ko practice me apply nahi karte? A:Kyuki hum philosophy par pura trust nahi karte. Isliye hum andaze lagate rehte hain — medicine ne aisa kaam kiya, waisa kaam kiya, disease aise hoti hai, waise hoti hai. Samuel Hahnemann ne kaha tha ki theories banane ke bajaye diye gaye principles ko sincerely practice me apply karo aur khud experience karo. Jab results dikhne lagenge, tab bharosa bhi dheere dheere badhega. |
| Q: Jab Homeopathy ko pseudoscience bola jata hai to hum oppose kyu nahi kar pate? A:Kyuki kai baar hum khud apni philosophy aur practice se fully satisfied nahi hote. Jab andar confidence kam hota hai to bahar oppose karna mushkil ho jata hai. Homeopathy vital force ke concept ko maanta hai, jabki modern science aksar un cheezon ko hi accept karti hai jo directly dekhi, suni ya measure ki ja sakein. Isi wajah se dono systems ki understanding aur explanation ka approach alag hota hai. |
| Practical Use of Aspects of Organon of Medicine |
| Organon Kya Hai? Organon ek practical tool aur guidebook hai jo Homeopathy ko sahi aur asaan tareeke se practice karne me madad karta hai. Jaise ek tool kisi kaam ko jaldi aur sahi tareeke se complete karne me help karta hai, waise hi Organon ek Homeopath ko treatment ke principles samajhne aur apply karne ka raasta dikhata hai. Samuel Hahnemann ne Organon of Medicine me apne practical experiences aur observations ko share kiya hai. Unhone law of similia, simplex, minimum dose jaise principles ko observe karke apni practice me apply kiya aur unke results ko truth ke roop me samjha. Agar ek physician in principles ko acche se samajhkar sincerely follow kare, to woh ek accha Homeopathic practitioner ban sakta hai. |
| Q: Master Hahnemann kis baat par zyada zor dete hain? A: Master Hahnemann ka maanna tha ki har physician ko apne mission ko samajhna chahiye — yani patient ko ideal tareeke se sickness se health ki taraf restore karna. Iske liye Homeopathy ke principles ko sirf padhna nahi, balki samajhna aur accept karna bhi zaroori hai. |
| Why Did Master Hahnemann Mention “Aude Sapere”? “Aude Sapere” = “Dare to be Wise” Iska matlab hai — sach ko samajhne aur uske saath khade rehne ki himmat rakhna. Master Hahnemann ke zamane me medical treatment zyada theory par based tha aur kai treatments harmful bhi hote the. Jab unhone Law of Similia aur Homeopathy ke principles duniya ke saamne rakhe, to bahut logon ne unka oppose kiya, kyunki naye truths ko accept karna aasaan nahi hota. Lekin fir bhi Master Hahnemann apne discovered truth ke saath mazbooti se khade rahe, kyunki unka vishwas tha ki Law of Similia truth par based hai. Dheere dheere logon ne uske results dekhe aur Homeopathy duniya bhar me phailne lagi. |
| Q: “Aude Sapere” se Master Hahnemann physicians ko kya message dena chahte the? A: Master Hahnemann physicians ko yeh soch dena chahte the ki agar koi principle truth par based ho, to usko practice me laane aur promote karne me mushkilein aayengi. Log oppose bhi karenge, lekin physician ko himmat aur confidence ke saath apne principles par khade rehna chahiye. Ek baat hamesha yaad rakhni chahiye — sacchai ko shuru me log oppose karte hain, lekin dheere dheere wahi sacchai logon ke dil aur samajh me apni jagah bana leti hai. |
| §1 Mission of the Physician |
| Q: Ek Homeopathic Physician ka mission kya hai? A:“The physician’s high and only mission is to restore the sick to health, to cure.” Yani ek Homeopathic Physician ka sabse bada aur asli mission hai rogi ko rog se mukt karke usko dobara healthy state me lana. |
| Q: Master Hahnemann ne “Doctor” ke bajaye “Physician” shabd kyu use kiya? A:Physician sirf medicine dene wala vyakti nahi hota. Physician woh hota hai jo nature ko samajhta hai, healing ki kala me skilled hota hai, aur patient ko sirf disease ke roop me nahi balki ek poore insaan ke roop me dekhta hai. Samuel Hahnemann ke according physician ek intermediary hota hai — insaan aur God ke beech me seva karne wala. |
| Q: Mission ke liye kis tarah ke log choose kiye jate hain? A:Mission ke liye wahi log choose kiye jate hain jo bina paise, fame, respect ya kisi lalach ke puri imaandari se apni qualities aur mehnat mission ko complete karne me laga dete hain. Jo mushkilon se nahi darte aur zarurat pade to balidaan dene ke liye bhi tayyar rehte hain. |
| Q: Mission par kaunsi baat yaad rakhni chahiye? A:Jab koi apne mission par hota hai, to usko bahut si mushkilon ka samna karna padta hai. Us waqt usko bina dare apne mission par tikke rehna hota hai. Paise, gaadi, bangla, ijjat aur samman ki iccha ko apne mission se bada nahi banana chahiye. Hamesha apni final destination par focus rakhna chahiye. Iska matlab yeh nahi ki paisa aur respect ki importance nahi hai. Har cheez ki importance hai. Lekin jab koi apne mission me sachchi safalta pa leta hai, to yeh sab cheezein dheere dheere uske paas khud aane lagti hain. |
| Q: Master Hahnemann ne physician ko kya mission diya? A:Homeopathic Physician ka mission hai jitne bhi rogi hain unko rog se mukt karna aur unko fir se healthy state me lana. |
| Q: Hamare yaha Homeopathy ki awareness nahi hai? A:Kya Master Hahnemann ke time me log Homeopathy ko jaante the? Nahi. Lekin fir bhi unhone Homeopathy ko logon tak pahunchaya. Woh akele puri duniya tak nahi pahunch sakte the, lekin jitna ho saka utne logon tak pahunchaya. Isi tarah agar aaj awareness kam hai, to humein khud apne samaj me Homeopathy ki awareness failani chahiye. |
| Q: Kya Master Hahnemann ke zamane me logon ko Homeopathy par bharosa tha? A:Nahi. Lekin Master Hahnemann logon se kehte the — pehle sincerely use karo, fir bharosa dheere dheere khud ban jayega. |
| Q: Kya Master Hahnemann ke 100% cases cure hote the? A: Nahi. Har case cure nahi hota tha. Acute cases me unhe bahut success milti thi, lekin chronic cases me relapse bhi hota tha. Lekin unhone apni failures ko accept kiya, research ki, aur chronic diseases aur miasms ki theory develop ki. Isi learning process ki wajah se chronic cases me bhi improvement aane laga. Isse humein yeh seekhna chahiye ki learning kabhi nahi rokni chahiye. Apni galtiyon ko accept karke unka solution dhundhna hi growth ka raasta hai. |
| Q: Aaj humne kya seekha? A:Humein Homeopathy ke principles ko samajhkar un par bharosa karte hue practice me apply karna chahiye. Pahle physician ko khud vishwas hona chahiye, tabhi patient me bhi trust aata hai. Failures se ghabrana nahi chahiye; zarurat pade to recase taking karni chahiye. Agar patient satisfy nahi ho aur jana chahe to usko force nahi karna chahiye, lekin apne principles se compromise bhi nahi karna chahiye. Dheere dheere practice aur experience ke sath confidence badhta hai. Awareness failana bhi physician ki responsibility hai. Mushkil situations me bhi apne principles par tikke rehna zaroori hai. Philosophy sirf baatein karne ka naam nahi, balki usko jeevan aur practice me apply karne ka naam hai. |
| Q: Tum acche se Homeopathy kyu nahi seekhte? Common Excuses Time nahi milta Practical guidance nahi hai Philosophy difficult lagti hai Bahut confusion hota hai Failure ka dar lagta hai Lekin sach yeh hai ki excuses se knowledge nahi aati. Jo insaan lagatar seekhne ki koshish karta hai, wahi dheere dheere mastery ki taraf badhta hai. |
| Aphorism 2 : Highest Ideal of Cure |
| Q: Master ke hisab se highest ideal of cure kaisa hona chahiye? A:Samuel Hahnemann ke according highest ideal of cure aisa hona chahiye jo: Rapid ho (jaldi relief dene wala) Gentle ho (bina unnecessary suffering ke) Permanent ho (complaint ko jad se remove karne wala) Aur sabse reliable principles par based ho Yahi hamara ideal target hai. Zaruri nahi har baar perfect result mile, lekin physician ko hamesha ideal cure ke liye sincere effort karna chahiye. |
| Q: Ideal ka matlab kya hai? A:Ideal matlab woh highest target jo Master ne physician ko diya hai — yani har sick individual ko best possible tareeke se restore karna. Humein hamesha us ideal ki taraf badhne ki koshish karni chahiye. |
| Q: Principle kya hota hai? A:Principle ek general aur basic truth hota hai jo sachai par based hota hai. Jaise gravity law of gravitation ko follow karti hai aur magnets magnetic principles ko follow karte hain, waise hi Homeopathic medicines Homeopathic law ko follow karti hain. |
| Q: Healing art ka matlab kya hai? A:Healing art ka matlab sirf disease remove karna nahi hai, balki patient ko as a whole samajhna hai. Physician ko patient ke internal aur external environment dono ko samajhna chahiye, kyunki physician patient ka friend, philosopher aur guide hota hai. |
| Q: Ek physician ka target kya hai? A:Main target cure karna hai. Lekin agar cure possible na ho to patient ko palliation aur comfort dena bhi physician ki responsibility hai. |
| Q: Kya har baar target achieve hota hai? A:Nahi. Har case cure nahi hota. Kuch cases curable hote hain aur kuch incurable ya palliative nature ke hote hain. |
| Q: Kaise pata chalega kaunsa case curable hai aur kaunsa palliative? A:Allied subjects jaise anatomy, pathology, surgery, medicine, PSM etc. ki help se hum prognosis samajh sakte hain. Reversible changes wale cases me cure possible ho sakta hai, aur irreversible changes wale cases me palliation ki zarurat pad sakti hai. Curable cases Incurable / palliative cases Physician ko samajhna hota hai kis case me cure ki koshish karni hai aur kis case me palliation dena hai. |
| Q: Acute aur chronic disease me difference kya hota hai? A:Acute diseases aksar external exciting causes se hoti hain, jaise: Barish me bheegna ; Zyada dhoop lagna ; Spicy food khana ; Basi khana khana ; Chronic diseases me internal maintaining causes important hote hain, jaise: ; Gussa ; Gham ; Dar ; Udasi ;Mental torture Physician ko patient ke internal aur external causes ko samajhkar health restore karne ki koshish karni chahiye. |
| Q: Humein disease par focus karna hai ya health par? A:Humein disease ke naam par nahi, patient ki health ko restore karne par focus karna hai. Jab patient ka internal aur external environment balance me aata hai, to disease dheere dheere door hone lagti hai. |
| Q: Medicine kis basis par di jati hai? A:Medicine indication ke basis par di jati hai. |
| §6 : Make a Portrait of Disease Pathology ka naam kuch bhi ho, medicine patient ke indications aur symptoms ke basis par select karni hoti hai. PQRS = Portrait of Disease Yani patient ke characteristic symptoms aur individuality ko samajhna. |
| Q: Kya hamara maqsad patient ko lifetime medicines par dependent banana hai? A: Nahi. Physician ka asli target patient ko cure karna aur uski health ko restore karna hai. |
| Q: Complaint theek hone ke baad recurrence kyu hota hai? A: Jab similimum diya jata hai to disease root se remove ho sakti hai. Lekin agar patient fir se wahi maintaining causes develop kar leta hai, to disease fir se aa sakti hai. ; Isi liye aphorism 4 me bataya gaya hai ki physician ko “preserver of health” bhi hona chahiye. |
| Q: Cure ka asli matlab kya hai? A:Cure ka matlab sirf disease hata dena nahi hai. Cure ka matlab patient ki health ko maintain karna bhi hai — advice, diet aur lifestyle management ke through. ; Physician ki responsibility hai ki patient healthy reh sake aur dobara disease develop na ho. |
| Q: Theoretical medicine ka kya matlab hai? A: Disease ke naam par medicine dena theoretical approach hai. Homeopathy me medicine patient ke PQRS aur individuality ke basis par di jati hai. Example: Bahut sneezing hoti hai Childhood se epistaxis hai Ice cream pasand hai Salt zyada pasand hai Thand me bhi cold drinks peeta hai Right side karvat lekar sota hai Ab pathology kuch bhi ho — nasal polyp, DNS ya koi aur disease — agar totality phosphorus ko indicate karti hai, to medicine phosphorus hi hogi. Isliye Homeopathy me disease ke naam par nahi, sick person ke indications ke basis par medicine di jati hai. Cure as a whole, not for a part. |
| Aur ek baat hamesha yaad rakho — saccha gyan jahan se bhi mile usko seekh lena chahiye, chahe woh dushman se hi kyu na mile. Har insaan ki acchai ko lena chahiye, burai ko nahi. |
| Aphorism 3 : Knowledge of Physician |
| Q: Aphorism 3 me Master kya samjhana chahte hain? A: Samuel Hahnemann ke according ek true physician ko 4 important cheezon ka knowledge hona chahiye: Disease me kya cure karna hai Medicines me kya curative power hai Patient ke indication ke according correct remedy kaise select karni hai Recovery me jo obstacles hain unko kaise remove karna hai Jab physician in sab baaton ko clearly samajh leta hai, tabhi woh true healing art ka practitioner banta hai. |
| Q: Knowledge of disease ka matlab kya hai? A:Physician ko samajhna chahiye: Disease acute hai ya chronic Surgical hai ya pseudo-surgical Miasmatic hai ya non-miasmatic Curable hai ya palliative Examples: Unperforated anus → true surgical disease Fracture tibia-fibula → surgical disease Har pathology medicine se cure nahi hoti. Kuch cases surgery demand karte hain. |
| Q: “There is no medicine for pathology” ka matlab kya hai? A: Homeopathy me pathology ke naam ki medicine nahi hoti. Medicine sick person ke liye hoti hai jisko pathology hai. Agar patient bole: “Doctor, renal stone ki medicine hai?” To physician ko disease ka naam sochne ke bajaye patient ke indications aur totality par focus karna chahiye. Renal stone ki fixed medicine nahi hoti. Jo remedy patient ke indications ko match karegi wahi similimum hogi. |
| Q: Agar similimum dene ke baad bhi patient theek nahi ho raha ho to kya karna chahiye? A: Tab physician ko obstacles to recovery dhundhne chahiye: Lifestyle problems Diet mistakes Maintaining causes Mental stress Family history / miasmatic background Kabhi kabhi medicine sahi hoti hai lekin obstacles ki wajah se health permanently restore nahi ho pati. |
| Q: Healing art kaise develop hota hai? A:Jo kaam baar baar practice kiya jata hai aur lambe samay tak sincerely kiya jata hai, wahi dheere dheere skill aur healing art ban jata hai. |
| Q: Disposition aur deviation kya hota hai? A:Disposition = fixed mental aur physical structure ; Deviation = us natural state se alteration ya disturbance Disease ek deviation hai health state se. Example: 6 saal ka ek bachcha: ; Sab kuch normal ; Khana, peena, khelna sab accha ; Lekin weight gain nahi hota ; Gale me sujan ka history ; Family history of tuberculosis ; Yahaan tubercular miasmatic background consider kiya jayega aur anti-miasmatic treatment diya ja sakta hai. |
| Q: Hygiene ka matlab kya hai? A:Aisi lifestyle aur habits jo disease se bachaye aur health ko maintain kare. |
| Q: Therapeutic science ka main target kya hai? A:Homeopathy ka main target sirf disease remove karna nahi, balki health improve aur maintain karna hai. |
| Q: “Perceives” ka matlab kya hai? A:Perceive ka matlab hai kisi cheez ko mehsoos karna, samajhna aur realize karna. Homeopathy sensory based science hai. Physician apne senses ki help se patient ko observe karta hai aur truth ko samajhne ki koshish karta hai. Special Senses in Case Taking 1. Touch : Haath thanda hai ; Perspiration zyada hai ; Body garam lag rahi hai 2. Observe : Nail biting ; Forehead frown ; Mouth corners cracked ; Nose par warts 3. Smell : Offensive sweat ; Offensive discharge 4. Listen : Patient ka bolne ka tareeka ; Voice tone ; Irritation ya fear 5. Taste : Food desires aur aversions Homeopathic physician ko case taking ke waqt apne sabhi senses active rakhne chahiye taaki maximum peculiar indications mil sakein aur proper portrait of disease ban sake. |
| Q: Adapt ka matlab kya hai? A: Patient ke indications ke according suitable remedy ko fit karna — according to fixed Homeopathic principles. |
| Q: Recovery ka matlab kya hai? A: Patient ka dobara normal health state me wapas aana. |
| Q: Obstacles to recovery kya hote hain? A: Aisi cheezein jo patient ko permanently healthy hone se rok rahi hoti hain: Wrong lifestyle Stress Poor hygiene Maintaining causes Addictions Physician ko in obstacles ko identify aur remove karna chahiye. |
| Q: Restoration ka matlab kya hai? A: Diseased person ko uski previous healthy state ki taraf wapas lana. |
| Q: Permanent cure ka kya matlab hai? A: Aisa cure jisme patient ki health stable rahe aur disease baar baar return na kare. Internal aur external causes ko control karna bhi physician ki responsibility hai. |
| Q: Judiciously practice karne ka matlab kya hai? A: Practice ko hamesha Homeopathy ke fixed laws aur principles ke under rehkar karna chahiye, chahe situation kitni bhi difficult ho. |
| Q: True practitioner kaun hota hai? A: Jo physician practical knowledge ko baar baar sunta, samajhta, uspar soch-vichar karta aur fir usko sincerely apni practice aur jeevan me apply karta rehta hai — wahi dheere dheere true practitioner banta hai. |
| Aphorism 4 : Physician as Preserver of Health “He is likewise a preserver of health if he knows the things that derange health and cause disease, and how to remove them from persons in health.” |
| Q: Aphorism 4 me Master kya samjhana chahte hain? A: Samuel Hahnemann ke according physician ka kaam sirf disease remove karna nahi hai, balki patient ki health ko restore aur maintain karna bhi hai. Physician ko yeh samajhna chahiye: Kaunsi cheezein health ko disturb karti hain Kaunsi aadatein disease ka cause banti hain Aur un causes ko patient ki life se kaise remove kiya jaye |
| Q: Health ka matlab kya hai? A: Health sirf disease ka absence nahi hai. Health ek aisi state hai jahan physical, mental aur social well-being balance me ho. ; Health ke alawa jo bhi deviation hota hai wahi disease state hai. |
| Q: Disease kya hai? A:Disease health state se deviation hai. Jab patient ke body ya mind ki normal functioning disturb ho jati hai tab symptoms aur complaints develop hote hain. Clinic Examples Patient aksar kehta hai: “Pehle mujhe aisa nahi hota tha.” “Pehle gussa nahi aata tha, ab chidchida ho gaya hu.” “Pehle stool normal tha, ab hard ho raha hai.” “Pehle urine normal tha, ab yellow aur offensive ho gaya hai.” Yani pehle health state thi, aur ab jo changes aaye hain woh deviation hain. Physician ka kaam patient ko dobara us previous healthy state me restore karna hai. |
| Q: Hamara main target kya hai? A:Hamare treatment ka main target disease ko maintain karna nahi, balki health ko maintain karna hai. |
| Q: Kya sirf pathology ko maintain karna physician ka mission hai? A:Nahi. ; Aaj medical field me kai jagah: Diabetes me sugar maintain kiya jata hai Hypertension me BP maintain kiya jata hai Thyroid me hormone maintain kiya jata hai Lekin Homeopathic philosophy ke according physician ka asli mission health ko restore aur preserve karna hai. |
| Q: Deviation of health ke main causes kya hote hain? A: Immediate cause → exciting cause ; Main cause → maintaining cause / miasmatic background |
| Q: Physician ko disease name dekhkar kya karna chahiye? A:Physician ko disease ke naam se darna nahi chahiye aur na hi pathology specific medicine sochni chahiye. Homeopathy me medicine disease ke naam par nahi, patient ke indications aur totality ke basis par di jati hai. |
| Q: Kya Physician ko theory banani chahiye? A: Nahi. Master Hahnemann ne theoretical medicine avoid karne ko kaha hai. Physician ka kaam theories banana nahi, balki patient ko health state ki taraf restore karna hai. Aphorism 1 → Cure karna Aphorism 2 → Cure kaise karna hai Aphorism 3 → Cure ke liye kaunsi knowledge chahiye Aphorism 4 → Health restore hone ke baad usko maintain kaise karna hai |
| Q: Physician ko kya dhyan rakhna chahiye? A:Disease remove hone ke baad patient fir se unhealthy state me na jaye, iske liye physician ko: Diet advice Lifestyle advice Mood aur emotional balance Prevention guidance deni chahiye. |
| Q: Disease ki “root” konse levels par ho sakti hai? A:Disease ke roots: Physical level Mental level Emotional level kisi bhi level par ho sakte hain. Physician ko samajhna chahiye ki disease kis cause se maintain ho rahi hai aur usko kaise prevent kiya jaye. |
| Q: Auxiliary management ka kya role hai? A:Physician ko prevention aur management ka knowledge hona chahiye: Kya khana chahiye Kya avoid karna chahiye Kaunsi habits harmful hain Lifestyle kaise improve karna hai Examples Hyperacidity : Agar gusse se acidity trigger hoti hai: Medicine ke saath anger control advice bhi deni chahiye. Diabetes : Agar patient sweets control nahi kar pata: Medicine ke saath sugar intake kam karne ki advice bhi zaruri hai. Constipation : Agar patient spicy non-veg aur unhealthy food zyada leta hai: ; Fiber rich diet ; Green vegetables ; Water intake Healthy lifestyle advice dena chahiye. Allergic Rhinitis : Agar cold drinks aur ice cream se complaint trigger hoti hai: Medicine ke saath trigger foods avoid karne ki advice deni chahiye. |
| Physician ka kaam sirf medicine dena nahi hai. Physician ko patient ki health ko restore karna aur usko future me healthy state me maintain rakhne ki guidance bhi deni hoti hai. Jo bhi cheezein patient ki health ko deviate karti hain, physician ko unse bachne ki salah deni chahiye. |
| Aphorism §5 : Fundamental Cause |
| Q: Aphorism 5 me Master kya samjhana chahte hain? A:Samuel Hahnemann ke according physician ko sirf disease ke symptoms nahi dekhne chahiye, balki disease ke peeche ki fundamental cause ko bhi samajhna chahiye. Acute disease me exciting cause important hota hai, aur chronic disease me maintaining cause ya chronic miasmatic background ko samajhna zaruri hota hai. |
| Q: Acute disease me physician ko kya dekhna chahiye? A:Acute disease me physician ko most probable exciting cause dhundhna chahiye. Examples: * Barish me bheegna * Zyada dhoop lagna * Spicy food khana * Thandi cheez khana * Sudden emotional shock Ye sab acute disease ke exciting causes ho sakte hain. |
| Q: Chronic disease me kya important hota hai? A:Chronic disease me physician ko patient ki: * Past history * Family history * Lifestyle * Habits * Emotional state * Social relations * Miasmatic background sab investigate karna hota hai taaki disease ki fundamental cause samajh aaye. |
| Q: Fundamental cause kya hota hai? A:Disease ke peeche ki basic aur maintaining cause ko fundamental cause kehte hain. Homeopathic philosophy ke according chronic diseases aksar chronic miasmatic background se related hoti hain. |
| Q: Physician ka asli role kya hai? A:Physician ko patient ko guide karna hota hai: * Kya avoid karna hai * Kya follow karna hai * Kya sahi hai kya galat * Kaunsa environment suitable hai * Kya khana hai kya avoid karna hai * Kaise sochna aur jeena hai Suicide Example Agar koi patient suicide kare: Immediate cause → drowning ya respiratory failure ho sakta hai. Lekin physician ko deeper maintaining causes bhi investigate karne chahiye: * Mental stress * Social pressure * Emotional trauma * Lifestyle * Habits * Domestic issues Sirf acute cause dekhna enough nahi hai. |
| Q: Miasm ka idea kaise mil sakta hai? A: Patient ki: Past diseases ; Recurrent complaints ; Family history; Affected systems ko observe karke miasmatic tendency ka idea mil sakta hai. Example: Patient with:Hypothyroidism ; Recurrent tonsillitis ; Ovarian cyst history : Yahaan glandular affection prominent hai. Aise cases me glandular affinity wali remedies consider ki ja sakti hain. Examples: Conium ; Bromium |
| Q: Physician ka ultimate duty kya hai? A: Physician ko: * Disease treat karna * Miasmatic sensitization kam karna * Maintaining causes avoid karwana * Lifestyle advice dena * Health preserve karna ye sab karna hota hai. Medicine ke saath proper guidance aur prevention bhi equally important hai. Aphorism 5 physician ko yeh sikhata hai ki disease ke sirf symptoms nahi, balki uske peeche ki root cause aur maintaining factors ko samajhna bhi zaruri hai. |
| Aphorism §6 : The Unprejudiced Observer |
| Q: Aphorism 6 me Master kya samjhana chahte hain? A:Samuel Hahnemann ke according ek true physician ko “unprejudiced observer” hona chahiye — yani bina kisi judgement, prejudice ya pehle se bani hui theory ke patient ko observe karna chahiye. Physician ko sirf wahi baatein leni chahiye: * Jo patient mehsoos karta hai * Jo relatives observe karte hain * Jo physician apne senses se perceive karta hai Yehi sab milkar disease ka true portrait banate hain. |
| Q: Unprejudiced observer ka matlab kya hai? A:Unprejudiced observer ka matlab hai: * Neutral rehna * Jaldi judgement na banana * Disease ke naam dekhkar medicine decide na karna * Apne past experience ya assumptions par directly medicine na dena Har case ko fresh aur open mind se dekhna chahiye. |
| Q: Physician ko kis cheez se bachna chahiye? A:Physician ko transcendental speculations se bachna chahiye — yani bina evidence aur experience ke theories banana bekaar hai. Master ne theoretical medicine avoid karne ko kaha hai. |
| Q: Physician ko kya observe karna chahiye? A:Physician ko patient me: * Physical deviations * Mental deviations * Emotional deviations * Objective signs * Subjective symptoms sab observe karna chahiye. |
| Q: Deviation kya hota hai? A:Jo bhi patient ki previous healthy state se alag ho gaya hai wahi deviation hai. Examples: * “Pehle mujhe gussa nahi aata tha.” * “Pehle stool normal tha.” * “Pehle mujhe bhook lagti thi.” Yani jo pehle normal tha aur ab abnormal ho gaya hai wahi disease ka expression hai. |
| Q: Subjective aur objective symptoms kya hote hain? A:Subjective Symptoms : Jo patient khud mehsoos karta hai: Pain ; Sadness ; Weakness ; Fear ; Burning Objective Symptoms (Signs) : Jo physician ya relatives observe karte hain: Nail biting ; Frown on forehead ; Offensive smell ; Sweating ; Restlessness All subjective + objective symptoms = true portrait of disease |
| Case Reciveing |
| $ Aphorism 82 |
| Individualization in Homeopathy |
| Q: Master Hahnemann individualization par itna zor kyu dete hain? A:Samuel Hahnemann ke according bina individualization ke kisi bhi disease ka real cure possible nahi hai. Homeopathy me: * Disease ke naam ki specific medicine nahi hoti * Miasm ke naam ki specific medicine nahi hoti * Har patient ko uski individuality ke according samajhna hota hai Yahi individualization hai. |
| Q: Individualization ka matlab kya hai? A:Har patient dusre patient se alag hota hai: * Symptoms alag * Nature alag * Modalities alag * Mental state alag * Physical generals alag Physician ko yeh samajhna hota hai ki patient ko sabse zyada unique kya bana raha hai. Example Agar kisi patient me psoric background ho to iska matlab yeh nahi ki har baar Sulphur hi de diya jaye. Agar har psoric case me Sulphur hi dena ho to phir dusri remedies ka kya role rahega? Medicine hamesha patient ki individuality aur totality ke basis par select hogi. |
| Q: Agar physician ne bahut cases cure kiye ho to kya next case me direct medicine de sakta hai? A:Nahi. Chahe: * 100 piles cases cure kiye ho * 500 thyroid cases cure kiye ho * 1000 cancer cases cure kiye ho Fir bhi agla patient aaye to complete case receiving karna zaruri hai. Past experience ke base par prejudiced nahi hona chahiye. |
| Q: Acute aur chronic disease me case receiving ka difference kya hai? A:Process same rehta hai, lekin approach me thoda difference hota hai. Acute Disease * Symptoms jaldi develop hote hain * Patient ko sab clearly yaad hota hai * Chief complaint prominent hoti hai * Similimum relatively jaldi mil sakti hai Example: “Doctor sahab 2 din se headache hai, dhoop me badh jata hai, subah shuru hota hai aur shaam tak rehta hai.” Yahaan chief complaint hi remedy ki direction dene lagti hai. Chronic Disease * Disease bahut saalon se chal rahi hoti hai * Symptoms mixed aur unclear ho sakte hain * Patient ko sab details yaad nahi rehti * More detailed investigation ki zarurat hoti hai |
| Q: Kya Homeopath ko investigation karna chahiye? A:Bilkul karna chahiye. Bahut saari medicines hone ka matlab yeh nahi ki bina investigation ke medicine de di jaye. Wrong Approach * “Yeh psoric case hai, anti-psoric de do.” * “Renal stone hai to specific medicine de do.” Aisa approach prejudiced aur incomplete hai. |
| Q: Har patient ki investigation kis level par honi chahiye? A:Complete investigation honi chahiye: * Physical * Mental * Emotional * Behavioral * General symptoms * Pathological findings Har level par patient ko samajhna zaruri hai. |
| Q: Kya sab headache patients same hote hain? A:Nahi. 4 headache patients me: * Kisi ka headache din me badhega * Kisi ka raat me * Kisi ka study se * Kisi ko throbbing pain * Kisi ko burning pain Yahi individuality hai. |
| Q: Similimum kaise select hoti hai? A:Complete investigation ke baad jo totality aur characteristic symptoms milte hain, unke basis par similimum select ki jati hai. |
| Q: Kya sirf mental symptoms lena enough hai? A:Nahi. Sirf: * Mental * Physical * General * Pathological kisi ek aspect ko lena incomplete case receiving hai. True Homeopathic investigation me patient ko as a whole samajhna hota hai. |
| Final Understanding * Har patient unique hai * Har case ka complete investigation zaruri hai * Past experience ke base par direct medicine nahi deni chahiye * Disease name ya miasm name se medicine decide nahi karni chahiye * Acute aur chronic dono cases me proper individualization zaruri hai Jitni complete case receiving hogi, utni accurate similimum milne ke chances badhenge aur utna better cure possible hoga. |
| § Aphorism 83 |
| Individualizing Examination of the Case |
| Q: Master Hahnemann kya samjhana chahte hain? A:Samuel Hahnemann ke according ek physician ko case receive karte waqt sirf kuch basic cheezon ki zarurat hoti hai: * Freedom from prejudice * Sound senses * Careful observation * Aur disease picture ko faithfully trace karne ki ability |
| Q: Freedom from prejudice ka matlab kya hai? A:Physician ko pehle se judgement nahi banana chahiye. * Disease ka naam dekhkar prejudice nahi hona * Patient ki financial condition dekhkar judgement nahi karna * Apne past experience ke base par direct medicine decide nahi karna * Darna nahi hai ki “yeh case mushkil hai” Physician ko neutral aur fearless rehkar case receive karna chahiye. Aude Sapere : “Dare to be wise.” Yani mushkil situations me bhi himmat aur truth ke saath khade rehna. |
| Q: Physician ko case receive karte waqt kya dhyan rakhna chahiye? A: * Money ya fame ka lalach nahi hona chahiye * Pure case ko patiently sunna chahiye * Jaldi medicine decide nahi karni chahiye * Complete case receiving zaruri hai |
| Q: Case receiving kaise karna chahiye? A:Case receiving kisi fixed performa ya rigid method se nahi hota. Patient aur relatives jo direction dete hain, physician ko usko dhyan se sunna chahiye aur useful information note karni chahiye. Important Rule Prescription ke liye jo useful hai wahi likhna hai. Page bharna maqsad nahi hai. Useful characteristic information lena maqsad hai. |
| Q:Case Recived karte waqt Physician patient se kya bole? A: “Aapko jo bhi takleef hai khulkar aur detail me batayiye. Dheere dheere batayiye. Main aapki baat acche se sununga aur uske hisab se treatment karunga.” |
| Q: Case receiving ke waqt physician ko kaise behave karna chahiye? A:Beech me patient ko rokna nahi chahiye. Sirf: “Accha…” “Aur batayiye…”“Ji…” “Phir kya hua?” aise words use karke patient ko freely express karne dena chahiye. |
| Q: Open ended questions kyu important hain? A: Open ended questions patient ko naturally bolne ka mauka dete hain. Physician ko patient ko tab tak bolne dena chahiye jab tak woh apni problem se unrelated baatein karna start na kare. Agar patient bhatak jaye to gently usko complaint ki taraf wapas lana chahiye. |
| Q: Relative ko bhi bolne dena chahiye? A: Haan. ; Patient aur relatives dono ko freely bolne dena chahiye. Kabhi kabhi relatives important objective symptoms batate hain jo patient khud nahi batata. |
| Q: Physician ko har baat turant maan leni chahiye? A: Nahi. Kabhi patient: * Exaggerate karta hai * Half truth bolta hai * Kuch baatein chhupata hai Isliye physician ko: * Cross questions * Observation * Relative confirmation ke through symptoms verify karne chahiye. Example Agar patient baar baar bole: “Mujhe dard nahi hona chahiye.” To physician usko verify karke: * Fear of suffering jaise symptom consider kar sakta hai. Example : Sciatica Case Patient: “Mera kamar se dard shuru hota hai aur right pair me jhatka jata hai.” Yahaan physician ko jo symptoms clearly mil rahe hain unko lena hai. |
| Q: Kaunse symptoms important hote hain? A:Jo characteristic aur clearly expressed symptoms milte hain wahi important hote hain. Examples : Mental Complaint :“Meri takleef meri wife hai, din raat jhagda karti hai.” Emotional Complaint :“Mujhe sab par daya aati hai aur log mujhe use karke chale jate hain.” Physical Complaint :“Mera right hand uth nahi raha.” Har level ka symptom important ho sakta hai. |
| Q: Agar physician khud stress me ho to kya case le sakta hai? A:Nahi. ; Physician ko pehle khud mentally relaxed hona chahiye, tabhi woh patient ko properly observe aur understand kar payega. |
| Q: Agar patient reports lekar aaye to kya karna chahiye? A: Physician reports dekh sakta hai, lekin usko patient se yeh bhi poochna chahiye: “Mujhe reports ke saath saath yeh bhi samajhna hai ki aapko actual takleef kya ho rahi hai.” Kyuki physician ka main interest patient ko samajhna hona chahiye, sirf reports ko nahi. |
| Q: Deviation kya hota hai? A:“Pehle aisa nahi tha, ab aisa ho raha hai.” Yani:* Healthy state se jo unnatural change aaya wahi deviation hai. Deviation acute cases me zyada clearly dikhta hai. |
| Q: Disposition kya hota hai? A:Jo patient ka natural aur long-standing nature hota hai wahi disposition hai. Examples: * Bachpan se shy * Bachpan se angry * Bachpan se timid * Bachpan se talkative Ye chronic level ki personality traits hote hain. |
| True physician: * Bina prejudice ke observe karta hai * Patient ko patiently sunta hai * Useful symptoms collect karta hai * Objective aur subjective symptoms verify karta hai * Disease ka true portrait banata hai * Aur usi ke basis par similimum select karta hai. |
| Aphorism 91 |
| Previous Medicines and True Picture of Disease |
| Q: Agar patient pehle se medicines le raha ho to kya problem hoti hai? A:Samuel Hahnemann ke according agar patient lambe samay se allopathic ya doosri medicines le raha ho, to disease ki pure aur faithful picture samajhna mushkil ho jata hai. |
| Q: Aisa kyu hota hai true picture of disease nahi milti ? A:Kyuki: * Kuch natural symptoms suppress ho jate hain * Aur kuch naye drug symptoms develop ho jate hain Isliye physician ko original disease picture clearly nahi mil pati. |
| Q: True disease picture kaise samajh sakte hain? A: Patient aur relatives se detail investigation karni chahiye: * Medicine shuru karne se pehle kya complaints thi * Kaunse original symptoms the * Kaunse symptoms medicine ke baad aaye Ye sab carefully samajhna zaruri hai. |
| Q: Aise cases me physician ko kya karna chahiye? A:Agar possible ho to kuch din medicines band karke: * Placebo (non medicinal substance) dena * Wait and watch karna * Old suppressed symptoms ke reappearance observe karna Isse: * Drug symptoms dheere dheere kam honge * Original natural symptoms wapas appear ho sakte hain Aur disease ki clear picture milne lagegi. Important Rule : Jab tak clear faithful picture na mile tab tak jaldi medicine decide nahi karni chahiye. |
| Q: Kya har medicine suddenly band kar deni chahiye? A:Nahi. Aisi medicines jinko suddenly band karne se: * Life threatening condition ho sakti ho * Severe aggravation ho sakta ho * Disease uncontrollable ho sakti ho unko abruptly stop nahi karna chahiye. Examples * Severe hypertension medicines * Insulin dependent diabetic medicines * Critical cardiac medicines * Anti-epileptic medicines * Steroid dependent severe conditions Aisi situations me physician ko carefully judgement lena hota hai. |
| Q: Fir kaunsi medicines band kar sakte hain? A: Aisi medicines: * Jo non-essential symptomatic suppression kar rahi ho * Jinko safely withdraw kiya ja sakta ho * Jinke bina immediate danger na ho unko physician observation ke under stop ya taper kar sakta hai. |
| Q: Agar patient emergency condition me ho to kya Homeopathy help nahi kar sakti? A:Current characteristic symptoms ke basis par Homeopathic treatment diya ja sakta hai. Acute aur emergency situations me bhi physician ko: * Presenting symptoms * Characteristic deviations * Totality ke according similimum select karni hoti hai. |
| Physician ka aim disease ki true uncontaminated picture samajhna hai. Isliye: * Suppressed symptoms * Drug induced symptoms * Original symptoms in sab ko differentiate karna bahut zaruri hota hai. Jitni clear disease picture hogi, utni accurate similimum milne ke chances badhenge. |
| Aphorism §85–94 : Case Receiving, Privacy & Removal of Maintaining Cause |
| Aphorism §85 |
| Q: Symptoms ko kaise likhna chahiye? A:Har naye discomfort, pain ya complaint ko alag paragraph me likhna chahiye taaki symptoms ek dusre me mix na ho. Examples:Headache ; Abdominal pain ; Failure in love ; Death of father Har complaint ke niche usse related important details likhni chahiye. |
| Aphorism §86 |
| Q: Patient ki story kaise leni chahiye? A:Patient aur relatives jo bhi bataye usko dhyan se likhna chahiye aur timeline samajhni chahiye: Pehle kya hua Uske baad kya symptom aaya Fir kya changes aaye Yani symptoms ka chronological order samajhna bahut zaruri hai. |
| Aphorism §87 |
| Q: Kaise questions nahi poochne chahiye? A: Sirf “Yes” ya “No” wale questions avoid karne chahiye. Wrong Questions: “Aapko gussa aata hai?” “Aapko thand lagti hai?” Aise questions me patient: Jaldi answer deta hai ; Half truth bolta hai ; Ya doctor ko please karne ke liye answer deta hai ; Isse wrong disease picture ban sakti hai. |
| Aphorism §88 |
| Q: Agar patient khud se details na de raha ho to? A: Tab physician physical, mental aur emotional level par questions pooch sakta hai. Lekin: Patient ko interrupt nahi karna ; Pehle usko aur relatives ko freely bolne dena ; Fir carefully questioning karna |
| Aphorism §89 |
| Q: Physician kin kin cheezon ke bare me pooch sakta hai? A: Physician kisi bhi important matter ke bare me pooch sakta hai: Stool ; Urine ; Sleep ; Diet ; Thoughts ; Incidents ; Mental stress ; Emotional state Jo bhi portrait of disease ke liye useful ho. |
| Aphorism §90 |
| Q: Physician ko apni observations bhi likhni chahiye? A:Haan. ; Patient ke bolne ke baad physician ko: Apni observations Physical signs Behavioral changes Examination findings sab note karna chahiye. Examples: Restless legs Nail biting Hair fall Warts Loose clothing Chapped lips Offensive breath Sitting posture Facial expressions Ye sab objective signs important ho sakte hain. Har symptom ko LSMC aur PQRS ke according evaluate karna chahiye. PQRS remedy differentiation ke liye bahut important hai. |
| Aphorism §92 |
| Q: Acute serious disease me kya karna chahiye? A:Agar disease rapidly progressing aur serious ho to physician ko: Current symptoms observe karne chahiye Medicine induced aur original disease dono ko samajhna chahiye Yani conjoint malady ka picture banana hota hai. |
| Privacy in Case Receiving |
| Q: Patient kai baatein kyu chhupa leta hai? A:Kyuki duniya ka sabse bada dar hota hai: “Log mujhe judge karenge.” Patient ko fear hota hai: Log kya sochenge Mujhe criticize karenge Mujhe bura kahenge Meri image kharab ho jayegi Isliye patient: Sexual history Grief Relationships Addiction Guilt jaise topics chhupata hai. |
| Q: Aise sensitive cases me kya karna chahiye? A:Patient ko privacy me baithakar pyar aur trust ke saath baat karni chahiye. Relatives ko waiting area me bhejkar physician ko kehna chahiye: “Aap jo bhi baat batayenge uske liye hum aapko judge nahi karenge. Har information treatment ke liye important ho sakti hai.” Physician patient ko: Judge nahi karna ; Criticize nahi karna ; Moral comments nahi dena Sirf information collect karni hai. Sensitive Topics Examples Masturbation Sexual abuse Unhappy relationships STD history Suppressed sexual desires Extramarital relations Silent grief Failed love Addiction Aisi baatein aksar patient privacy me hi batata hai. Case Example : 25 saal ki lady: Bleeding piles ; Husband Dubai me i.e Emotional aur sexual suppression ; Yahaan maintaining cause emotional aur sexual level par ho sakta hai. Agar privacy me baat nahi hoti to important characteristic symptoms miss ho sakte the. |
| Aphorism §94 : Removal of Maintaining Cause |
| Q: Physician ko maintaining cause ke bare me kya karna chahiye? A:Jo bhi factor disease ko maintain kar raha hai usko identify aur remove karne ki koshish karni chahiye. Levels:Mental ; Physical ; Emotional ; Behavioral ; Occupational ; Lifestyle Examples : Sedentary Lifestyle : Nux Vomica temporary relief de sakti hai, lekin sedentary lifestyle change kiye bina permanent cure mushkil hai. Fisherman with Rheumatism : Damp area exposure maintaining cause hai. Medicine relief degi, lekin damp environment continue raha to complaint baar baar aayegi. Physician ko explain karna chahiye: “Agar aap trigger factor avoid nahi karenge to takleef repeat hoti rahegi.” Radiation Technician : Skin allergy radiation exposure se trigger hoti hai. Yahaan occupational maintaining cause important hai. Silent Grief Case : Agar patient har baat ka grief andar hi suppress karta rahe to disease baar baar return kar sakti hai. Patient ko aware karna bhi treatment ka part hai. Medicine deviation ko change kar sakti hai, lekin disposition aur maintaining causes ko samajhkar lifestyle correction bhi zaruri hai. |
| Female Chronic Case History |
| Q: Female chronic cases me kya specially poochna chahiye? A:Menstrual History : LMP ; Regular / irregular ; Flow continuous ya interrupted ; Short interval ya delayed ; Color aur quality ; Before / during / after complaints ; Leucorrhoea details Obstetric History : Pregnancy ; Miscarriages ; Sterility ; Lactation history Ye sab proper individualization aur maintaining causes samajhne ke liye important hai. |
| Aphorism §95 ; 96 ; 97 |
| Q: Chronic disease me case receiving zyada carefully kyu karna padta hai? A: Samuel Hahnemann ke according chronic disease me: Symptoms purane hote hain Patient un symptoms ka aadat bana leta hai Chhote but important symptoms ko normal samajhne lagta hai Isliye physician ko: Minute peculiarities Characteristic symptoms Small deviations bahut carefully observe karna chahiye. |
| Q: Chronic patient kai symptoms kyu nahi batata? A: Kyuki woh symptoms uski zindagi ka hissa ban chuke hote hain. Patient sochta hai: “Yeh to mere saath hamesha se hai.” Lekin wahi accessory symptoms remedy selection me bahut useful ho sakte hain. Example : Hamesha right side sleep ; Slight salt desire ; Mild chilliness ; Nail biting ; Evening aggravation Patient ko normal lag sakta hai, lekin physician ke liye yeh characteristic indications ho sakte hain. |
| Q: Clinic me kaise type ke patient milte hain? A: Normal patients Introverted patients Extroverted patients Hypochondriac patients Hysterical patients |
| Q: Hypochondriac patient kaun hota hai? A:Aise patients jo apni takleef ko bahut exaggerated way me batate hain. Example :Chhoti si sui chubhi: “Doctor sahab please bachaiye, bahut dangerous ho gaya!” |
| Q: Hysterical type patient kaise hote hain? A: Chhoti ya normal baat ko bhi dramatic aur severe bana kar present karte hain. |
| Q: Physician kaise pehchane? A:Physician ko normal human psychology samajhni chahiye. Normal reaction aur exaggerated reaction ko compare karke physician samajh sakta hai. Example Normal:“Mujhe dard ho raha hai.” Hypochondriac:“Doctor sahab kuch kijiye, mujhe kuch serious ho gaya!” |
| Q: Hypochondriac patient aisa kyu karta hai? A:Usko lagta hai: Strong medicine milegi Jaldi relief milega Doctor zyada attention dega Isliye symptoms ko exaggerate karta hai. |
| Q: Physician ko kya karna chahiye? A:Patience rakhna ; Detail questioning karna ; Relative se confirmation lena ; Exaggeration ko samajhna ; Lekin patient ko directly jhootha nahi bolna. |
| Aphorism §98 |
| Q: Symptoms ko sabse zyada importance kiski deni chahiye? A:Patient ke khud ke expressions ko. Kyuki:Usko khud sensations mehsoos hoti hain Relative apni understanding ke hisab se batate hain Example Patient:“Mujhe sui chubhi aur bahut dard hua.” Vs exaggerated:“Doctor sahab meri help kijiye, kuch serious ho gaya!” Physician ko common human psychology samajhkar differentiate karna hota hai. |
| Q: Case receiving me master kaise bane? A: Roz zyada se zyada cases receive karke. Experience se: Observation improve hota hai Characteristic symptoms identify karna aata hai Human psychology samajh aati hai Important Rule Case receiving:Sabar se ; Satisfaction tak ; Confirmation ke saath karna chahiye. ; Jaldbaazi nahi karni chahiye. |
| Aphorism §99 : Acute Cases |
| Q: Acute case lena asaan kyu hota hai? A:Kyuki: Deviations recent hote hain ; Patient ko sab yaad hota hai ; Symptoms fresh aur striking hote hain |
| Q: Acute Cases me kya important hai? A:Deviation. Yani: “Pehle aisa nahi tha, ab aisa ho raha hai.” Examples “Bukhar ke baad ice cream ka desire aa gaya.” “Ulcer ke baad bahut irritability aa gayi.” Ye recent deviations acute prescription me important hote hain. |
| Q: Chronic cases me kya important hota hai? A:Disposition. Yani patient ka long-standing nature aur tendencies. |
| Why Case Receiving? |
| Q: Case receiving kyu zaruri hai? A:For Individualization. Har patient unique hai. Isliye: Same disease me different remedies aa sakti hain Characteristic symptoms ke basis par similimum select hoti hai |
| Q: Characteristic symptoms kya hote hain? A: Jo:Peculiar ; Rare ; Strange ; Uncommon ;PQRS nature ke ho wahi characteristic symptoms hote hain. Characteristic symptom: Mental bhi ho sakta hai ; Physical general bhi ; Particular symptom bhi ; Sirf mentals ko hi importance dena zaruri nahi. Individualization Examples Example : Piles Cases Ars Alb : Burning + Chilly + Restlessness + Fastidiousness Phosphorus : Burning bleeding piles + Ice cream desire + Chilly Sulphur : Itching burning piles + Heat + Ringworm history Lachesis : Right side sleep + Menopause + Loquacity + Jealousy Lycopodium : Dry rectum + Right sidedness + Gas acidity |
| Process of Individualization Jaise ek letter ko exact person tak pahuchane ke liye: Name Father name Address Profession add karte karte exact identity milti hai. Waise hi: Location Sensation Modality Concomitant Mentals Generals add karte karte similimum tak pahuchte hain. LSMC L = Location : Complaint kaha hai? S = Sensation : Burning, itching, pulsating etc. M = Modalities : Kis se better/worse? C = Concomitant : Saath me aur kya symptoms hain? Example Piles: Rectum location Dryness sensation Evening aggravation Thirstlessness concomitant Yeh complete symptom bana. |
| Case receiving: Art hai ; Skill hai ; Observation hai ; Individualization ka process hai Physician ko: Sirf disease name nahi dekhna Sirf mentals nahi lena Sirf pathology nahi dekhna Balki patient ko as a whole samajhna hai aur characteristic symptoms ke basis par similimum select karna hai. |
| Aphorism §100 |
| Q: Epidemic disease me physician ko kya approach rakhna chahiye? A:Samuel Hahnemann ke according physician ko har epidemic ko ek nayi disease ki tarah study karna chahiye. Past epidemic me jo remedy kaam ki thi wahi is baar bhi kaam karegi — aisa andaza nahi lagana chahiye. Wrong Approach “Pichli baar cholera epidemic me Camphora diya tha, is baar bhi wahi denge.” “Pehle bhi aise symptoms aaye the, remedy same rahegi.” Yeh prejudiced approach hai. Correct Approach Current epidemic me: Actual symptoms lena Current totality banana Present indications observe karna Aur uske basis par remedy select karni chahiye. Theory nahi — facts aur actual observation ke basis par prescription karna hai. |
| Aphorism §101 |
| Q: Kya ek patient se epidemic ki complete picture mil sakti hai? A:Nahi. Ek patient sirf epidemic disease ka ek part show karta hai. isiliye Bahut saare patients ka case receive karne ke baad hi Complete totality = Epidemic picture ke Characteristic symptoms samajh me aate hain. kyunki Har patient: Alag constitution ; Alag sensitivity ; Alag miasmatic background ke according symptoms show karega. Epidemic Totality : Jab physician:10 ; 20 ; 50 ya 100 patients observe karta hai tab epidemic disease ka real portrait samne aata hai. Modern Era Diagnosis : Based on Nosological name: Cholera ; Dengue ; Influenza Hahnemannian Diagnosis : Based on : Miasmatic background: Psora ; Sycosis ; Syphilis ; Mixed miasm Physician ko dono understanding rakhni chahiye. |
| Aphorism §102 |
| Q: Epidemic picture kaise banta hai? A:Bahut saare patients ke symptoms collect karke: Common symptoms & Uncommon symptoms alag kiye jate hain. Common Symptoms : Weakness ; Loss of appetite ; Sleeplessness Ye sab epidemic ke general features hote hain. Uncommon / Characteristic Symptoms : Rare modalities ; Peculiar sensations ; Strange combinations : Ye remedy selection me zyada important hote hain. |
| Aphorism §103 |
| Q: Miasmatic chronic disease ko kaise samjhen? A: Jaise epidemic disease me bahut saare patients observe karne padte hain, waise hi chronic miasmatic diseases ko bhi bahut saare cases study karke samjha jata hai. Ek patient: Total psoric picture nahi deta ; Dusra patient dusra aspect show karta hai ; Bahut saare patients milkar: Psora ; Sycosis ; Syphilis ka collective symptom picture banate hain. Miasm ek group of tendencies aur characteristic symptoms lekar aata hai. |
| Aphorism §104 |
| Q: Jab disease picture complete ho jaye tab kya karna chahiye? A:Jab:Totality :Characteristic symptoms + Portrait of disease clear ho jaye tab physician ka difficult kaam complete ho jata hai. Uske baad physician: Characteristic symptoms pick karta hai ; Similar remedy select karta hai ; Follow-up me old symptoms cut karta hai ; New symptoms add karta hai ; Aur fir updated totality ke basis par treatment continue karta hai. |
| Art of Follow-Up |
| Q: Follow-up me kya karna hai? A: Jo symptoms improve ho gaye unko cut kar dena Jo symptoms abhi bhi hain unko continue rakhna Jo naye symptoms aaye unko add karna Fir:Nayi totality ; Nayi portrait of disease banakar next prescription decide karna. |
| Q: New homeopathic students ko kya karna chahiye? A: Ghar se case receiving start karo ; Family members ke case lo ; Society me case lo ; Har symptom likho Kyuki Homeopathic treatment symptoms par based hota hai. Important Rule : “Without practice no mastery.” Jitne zyada cases receive karoge: Utna observation improve hoga Utna characteristic symptoms samajh aayenge Utni remedy selection accurate hogi Priority in Case Receiving |
| Q: Case receiving me kis baat ko sabse zyada importance dena hai? A:Priority Order Patient ke khud ke symptoms Physician ke firm observations Relative / caretaker observations Behavioral observations |
| Q: Patient ke symptoms ko zyada importance kyu? A: Kyuki: Sensations patient feel karta hai Medicine patient ko leni hai Patient ka subjective experience most important hai Observation vs Assumption Wrong Approach : Patient lips lick kar raha hai: Direct Naja ya Lachesis soch liyaYeh prejudice hai. Correct Approach : Cross verify karna: Tongue dry hai? Burning hai? Spicy food khaya? Heat exposure hua? Bina confirmation ke observation ko final symptom nahi banana chahiye. Firm Observation i.e Cracked bleeding lips ; Wart below right eye ; Left wrist ganglion cyst Ye clearly visible signs hain. Inko directly note kiya ja sakta hai. Individualization Approaches Different Cases = Different Approaches Har case me same method use nahi hota. Possible Approaches Mind method Sensation approach Keynote approach Modality based approach Classical approach |
| Q: Good Homeopath Kaun? A : Jo: Apne area ke patient patterns samjhe ; Easy aur practical approach choose kare ; Characteristic symptoms identify kare ; Aur quickly individualization kar sake |
| Epidemic disease me: Andaza nahi lagana aur Past remedy blindly repeat nahi karni Bahut cases observe karne hain ; unke Common aur uncommon symptoms separate karne hain fir Totality aur portrait of disease banana hai Physician ka kaam: Observe karna ; Case receive karna ; Characteristic symptoms identify karna ; Similimum select karna ; Aur follow-up me continuously totality update karna hai. |
| Nature’s Law of Cure : §26 |
| Cure |
| Patient is first not physician |
| Kyi baar aisa hota hai ke jab hum sirf physical general par medicine dete hai lekin patient ka ek mental symptoms contra indicate kar raha hai to usko bhula dena hai… |
| Kya kab chod dena hai woh important hai. |
| ● Totality Nat m indicate kar raha hai but patient extrovert hai to hum is mental ko chod do.. baqi indication ko lekar totality par Nat Mur de dena hai.. |
| ● Totality Lachesis indicate kar raha hai lekin woh talkative nahi hai to is symptoms ko nahi lena hai… |
| ● Totality Sepia hai lekin patient thermal hot hai to thermal ko chod kar Sepia de dena hai.. |
| ● Totality Sepia hai lekin patient indifference nahi hai to hum Sepia hi denge. Zaruri nahi pura Sepia ke symptoms ek hi patient me dikhe… |
| Hamare liye important totality hai.. lekin agar koi 1 ya 2 indication contradict kare to totality ko lenge aur contradictory cheez ko chod dena hai… |
| Zameen khodna padega, beez bona padega, nuksaan hone se bachana padega aur fir fasal katna padega… |
| Case Receiving → Individualization → Cure |
| Healing: a process to accomplish cures. |
| Cure: achievement of mission of physician. |
| Indication → Potency → Dose relationship |
| Q : Physician kon hota hai ? |
| A: Jo person medicine ka expert ho aur usko disease ka diagnosis karna aata ho aur us diseased person ko medically manage karna aata ho. |
| A person who cures moral or spiritual ills; a healer. |
| Physics : भौतिक विज्ञान |
| Ek physician woh hai jo health se sickness ki journey aur sickness se wapas health ki taraf lane ka natural tareeka janta ho. Aur uske peeche jo law hai (Nature’s Law of Cure i.e Law of Similia) ko kaise apply karna hai woh janta ho. |
| Q : Mission kya hota hai ? Aur Physician ka mission kya hona chahiye? |
| A : Apni zimmedari ko samajh kar bina kisi lalach ke kisi khaas maqsad ke liye kaam karna ; Physician ka ek hi mission hai…Us person ko jo health se illness ki taraf aaya hai usko pehle jaise health wali condition me lekar jana. |
| Restore :To put somebody/something back into his/her/its former condition (health) or position. |
| Sick :Not well; ill. |
| Health :The state of complete well being and free from illness. |
| Cure :To make somebody healthy again after an illness. |
| Q : Common symptoms kya hote hai ? A : Koi bhi physical, emotional, behavioral, mental, spiritual issues jo commonly sabhi me milti hai… Examples : Polyp, warts, renal stone, diabetes, headache, fever, arthritis, uterine fibroid etc. |
| Q : Patient ke diye gaye symptoms ko kab characteristic symptoms kaha ja sakta hai ? A :Jab common symptoms ke saath koi Location ya Sensation ya Modality ya Concomitant jud jata hai to woh common symptoms characteristic symptoms ban jata hai. |
| Symptoms + Modalities Asthma > dancing Headache > tight bandage Abdominal pain > bending double Abdominal pain < touch Sciatica < night |
| Symptoms + Location Renal colic : right side Warts on finger Headache behind right eye |
| Symptoms + Sensation Headache – throbbing pain Abdominal pain – cutting pain |
| Symptoms + Concomitant Headache > urination Headache with thirst for cold drinks |
| As per Boenninghausen, for characteristics only after LSMC symptoms either mental or physical or general or particular, it should be with any one of LSMC then only characteristic. (As per Kent qualified mental are mental symptoms with modality) |
| § Aphorism 7 :Ek samajhdar physician woh hai jo patient ke liye exciting cause hai pehle usko remove kar de. Kayi baar aisa dekha gaya hai ke jab exciting cause remove kiya gaya to patient aise hi theek ho jata hai, medicine dene ki bhi zarurat nahi hoti. Neeche kuch examples hai : Kis condition me physician kya karta hai : Syncope & hysterical suffering due to strong smelling flower → remove strong smelling flower. Eye inflammation due to foreign body → remove foreign body. Mortification due to over tight bandage → remove tight bandage and apply suitable one. Fainting due to arterial bleeding → expose wound, find artery, apply ligature. Belladonna berry poisoning → induce vomiting to expel poison. Removal of foreign body from nose, gullet, ears, urethra, rectum, vagina. Urinary bladder stone → crush (lithotripsy). Imperforate anus of newborn → surgical intervention. |
| Q : Vital force morbid signs aur symptoms kyu produce karta hai ? A : Miasm jab vital force par attack karta hai tab vital force disturbed ho jata hai aur signs & symptoms produce karta hai. Yeh signs & symptoms physician ke liye guidance hote hai taki woh totality bana sake aur correct remedy choose kar sake. |
| Q : Vital force signs & symptoms kyu dikhata hai ? |
| A : Kyuki vital force chahta hai ke physician un symptoms ke base par disease ka portrait samjhe aur similimum tak pahunch sake. Correct remedy milne ke baad wahi remedy vital force ko support karti hai aur vital force body se miasm ko remove karta hai. |
| Q : Totality of symptoms kya hai ? |
| A : Disease ka outward reflected picture jo signs & symptoms ke roop me appear hota hai usi ko totality kehte hai. Yehi totality physician ko batati hai ke patient ko kaunsi remedy chahiye. |
| Q : Perceive ka matlab kya hai ? A : Perceive ka matlab hai patient ke words, behavior, reactions aur expressions ko samajhna aur unko repertorial aur materia medica language me convert karna. |
| Q : Physician ko kya perceive karna hai ? |
| A : Physician ko patient ke diye hue signs, symptoms, behavior, mentals, desires, aversions, thermal state, modalities sab perceive karna hai aur unko mila kar totality banana hai. |
| Q : Mentals hamesha perceived kyu hote hai ? |
| A : Kyuki patient har baar directly mental symptom nahi batata. Physician ko patient ki baat, expression, gestures aur behavior observe karke mental state samajhni padti hai. |
| Q : Kya without totality prescription kiya ja sakta hai ? |
| A : Nahi. Homeopathic prescription totality ke bina complete nahi hota. Sirf ek symptom ko pakad kar dawa dena homeopathic approach nahi hai. |
| Q : Kya without signs & symptoms prescribe kiya ja sakta hai ? |
| A : Nahi. Homeopathy signs & symptoms ke bina exist nahi kar sakti. Signs & symptoms hi physician ko similimum tak pahunchne ka raasta dete hai. |
| Q : Ek Homeopathic physician ko kya nahi karna chahiye ? |
| A : Homeopathic physician ko sirf symptomatic treatment nahi karna chahiye. Sirf ek symptom ko suppress karna ya temporary relief dena physician ka mission nahi hai. Usko whole sick person ka treatment karna chahiye. |
| Q : Kya ek bimar aadmi ke sirf ek part ko theek karna usko theek karne jaisa hai ? |
| A : Nahi. Ek part pura man nahi hota. Isliye sirf ek organ ya ek complaint ka ilaj karna whole patient ka cure nahi kehlata. |
| Q : Disease kya hai ? A : Disease normal state se deviation hai. Yeh deviation physical, mental, emotional, behavioral, social ya spiritual level par ho sakta hai. Jo natural nahi hai aur abnormal hai wahi disease hai. |
| Q : Common aur uncommon me kya difference hai ? |
| A : Jo cheez normal human nature ke andar aati hai woh common hai. Jo normal se door aur peculiar ho woh uncommon hai. Homeopathy me uncommon symptoms zyada important hote hai kyuki wahi disease ka real portrait banate hai. |
| Q : Uncommon symptoms kya hote hai ? |
| A : Jo symptoms natural human behavior se bahut alag ho, exaggerated ho ya peculiar ho unko uncommon symptoms kehte hai. Jaise extreme anger, strange desires, peculiar aversions, unusual fears, odd reactions etc. |
| Q : Homeopathy me focus kis par hota hai ? |
| A : Homeopathy me focus uncommon aur characteristic symptoms par hota hai kyuki wahi totality ka base bante hai aur similimum tak lekar jate hai. |
| Q : Exciting cause kya hota hai ? |
| A : Jo cheez kisi person ko suddenly excite kare aur uske baad disease state start ho usko exciting cause kehte hai. Jaise grief, shock, insult, getting wet in rain, strong smell, fear, bad news etc. |
| Q : Maintaining cause kya hota hai ? |
| A : Jo cheez disease ko continue rakhe ya maintain kare usko maintaining cause kehte hai. Jaise addiction, unhealthy lifestyle, continuous stress, repeated exposure, unnatural habits etc. |
| Q : Homeopathic physician ka real mission kya hai ? |
| A : Whole sick person ko restore karna, miasmatic disturbance ko remove karna aur patient ko wapas natural healthy state me lana hi physician ka real mission hai. |
| Q : Bimari kis wajah se hoti hai ? |
| A : Bimari nature ke against jeene ki wajah se hoti hai. Jab insan natural laws ke opposite lifestyle follow karta hai tab disease develop hoti hai. |
| Q : Human being ka natural lifestyle kya hai ? |
| A : Human ek social animal hai. Naturally sunrise ke baad active aur sunset ke baad rest ke liye bana hai. Society, nature aur natural rhythm ke saath rehna uski natural state hai. |
| Q : Agar insan nature ke against jaye to kya hota hai ? |
| A : Agar insan continuously nature ke against lifestyle maintain kare to prolonged indisposition develop hoti hai aur disease theek nahi hoti. |
| Q : Indisposition kya hota hai ? |
| A : Indisposition mild illness ya trivial disturbance hoti hai jo diet aur regimen me slight error ki wajah se hoti hai. |
| Q : Continued indisposition kya hota hai ? |
| A : Jab insan prolonged time tak wrong habits aur unnatural lifestyle continue rakhta hai to prolonged indisposition hoti hai. Aise cases me medicine sahi hone ke baad bhi relief nahi milta kyuki maintaining cause continue hota hai. |
| Q : Agar maintaining cause continue rahe to kya remedy permanent cure kar sakti hai ? |
| A : Nahi. Jab tak maintaining cause remove nahi hoga tab tak permanent cure possible nahi hai. |
| Q : Example do maintaining cause ka ? |
| A : Piles + evening sleep + late night watching + morning aggravation. |
| Yaha Nux vomica indicate kar sakta hai, lekin agar patient same habit continue rakhega to permanent cure nahi hoga. |
| Q : Aise cases me kya karna chahiye ? |
| A : Patient ki habits, diet aur regimen ko natural laws ke hisaab se correct karna chahiye. Warna disease baar baar return karegi. |
| Q : Thinking ka matlab kya hai ? |
| A : Sirf aankh band karke sochna thinking nahi hai. Pehle apne aap ko sochne ke qabil banana padta hai. Beginning me physician particulars aur generals par prescription seekhta hai. Jaise jaise understanding badhti hai waise waise mental level par prescription karna aata hai. |
| Q : Intelligent kise kehte hai ? |
| A : Intelligent woh person hota hai jisme samajhne, seekhne aur sochne ki ability hoti hai. |
| Q : Physician kise kehte hai ? |
| A : Physician woh person hai jo diagnosis aur treatment ka knowledge rakhta ho aur disease ko medically manage karna janta ho. Saath hi moral aur spiritual suffering ko bhi samajh sake. |
| Q : Tendency kya hoti hai ? |
| A : Tendency matlab koi aisa behavior ya reaction jo repeatedly kisi person me dekhne ko milta hai. Yeh physical, emotional aur behavioral level par ho sakta hai. |
| Q : Tendency ke examples kya hai ? |
| A : |
| “Mujhe koi thoda sa bhi kuch bol de to turant rona aa jata hai.” |
| “Itna sa mausam badle to turant sardi ho jati hai.” |
| “Ek baar koi thought aaya to baar baar wahi thought repeat hota rehta hai.” |
| “Mujhe baar baar cheenk aati hai.” |
| Yeh sab tendencies aur uncommon symptoms hai. |
| Q : In tendencies ka prescription me kya importance hai ? A : Yeh uncommon symptoms hote hai isliye prescription me inka weightage zyada hota hai. |
| Q : Common aur uncommon ka difference kya hai ? |
| A : Jo normal human nature aur normal development ka part hai woh common hai. Jo peculiar, exaggerated aur normal se bahar ho woh uncommon hai. |
| Q : Common symptom ka example kya hai ? |
| A : |
| Kal raat nahi soya → subah headache. |
| 5 mirchi kha li → burning stool. |
| Daant khane ke baad thoda bura lagna aur bhool jana. |
| Yeh common hai. |
| Q : Uncommon symptom ka example kya hai ? |
| A : |
| “Koi kuch bol de to turant uncontrollable rona.” |
| “Thoda mausam change hote hi severe cold.” |
| “Ek thought baar baar repeat hona.” |
| “Daant khane ke baad saalon tak us baat ko carry karna.” |
| Yeh uncommon hai. |
| Q : Common aur uncommon case to case change hota hai kya ? |
| A : Haan. Jo ek person ke liye common hai woh dusre ke liye uncommon ho sakta hai. |
| Q : Example do ? |
| A : Agar kisi family ka milk business hai aur person daily milk leta hai to woh common hai. |
| Lekin agar woh roz 10 litre milk pee jata hai to woh uncommon hai. |
| Q : Common ko samajhna kyu zaruri hai ? |
| A : Jab tak physician ko normal human behavior ka knowledge nahi hoga tab tak woh uncommon identify nahi kar payega. |
| Q : Syncope kya hota hai ? |
| A : Syncope short duration unconsciousness hoti hai jo low blood pressure ki wajah se hoti hai. |
| Q : Hysterical ka matlab kya hai ? |
| A : Hysterical state me person emotionally overexcited hota hai aur apni emotions ko control nahi kar pata. |
| Q : Baccho ka ladna, mitti me khelna aur maar peet karna common hai ? |
| A : Haan. Yeh normal human development aur immunity development ka part hai. |
| Q : Agar child ko overprotect kiya jaye aur mitti me nahi jane diya jaye to kya ho sakta hai ? |
| A : Aise child me immunity proper develop nahi hoti aur dust allergy ya hypersensitivity develop ho sakti hai. |
Leave a Reply