Case 21 : Angina Pectoris ( Piper )

Patient 62 saal ka aadmi tha.Uski physical complaints ye thi:

• Talwo me burning pain, poore din rehta tha, khaaskar shaam ko (10 saal se)
• Kabhi kabhi chest ke left side me pain attack aata tha, jise angina pectoris diagnose kiya gaya tha (6 saal se)
• Bhook kam lagna

Patient ne apni problem batate hue kaha:

Jab pain hota hai aur main khud ko kisi activity me busy kar leta hoon, jaise friends ke saath club jana ya wife ke saath cards khelna, to mujhe better feel hota hai.

Dr : Iski wajah se diqqat kya hai ?

Pt : mere angina ki wajah se main bahut dheere chal pata hoon. Mujhe bas ek hi tension rehti hai ki kahin main bed-ridden na ho jaun. main retired aadmi hoon aur is umar me mere paas time pass karne ka aur koi zariya nahi hai.Kabhi kabhi bahut bore feel hota hai, tab main nearby park chala jata hoon jahan purane dost milte hain aur hum log baatein karte hain. Isse mera dhyan pain se hat jata hai.”

In rubrics ke basis par case liya gaya:

• OCCUPATION, diversion mind amel.
• FEAR suffering of
• ENNUI, entertainment amel.
• AMUSEMENT, desire for

Piper methysticum 6 di gayi.

10 din baad patient ne bataya ki talwo ka pain better ho gaya hai.

Chest pain ka koi attack nahi aaya aur appetite me bhi thoda improvement tha.

Ab usko bed-ridden hone ki tension bhi nahi rahi.

15 din baad phone aaya ki chest pain ka attack phir hua hai.

Maine uski wife se poocha ki woh kya kar rahe hain.

Unhone bataya:“Woh aankhen band karke lete hue hain aur mujhe prayer gaane ko bol rahe hain. Unka haath chest par rakha hua hai.”

Maine Piper methysticum 30 diya.

Do ghante me patient better feel karne laga aur ek mahine tak theek raha.

Ek din patient ne phone karke bataya ki do ghante me teen baar vomiting hui hai. Saath me weakness ya koi aur complaint nahi thi.

Maine poocha bahar ka kuch khaya tha kya.Usne kaha nahi, vomiting apne aap shuru hui. Zyada tar gaadha peela mucus tha, pani kam tha. Uske baad vomiting dobara nahi hui.

Maine wahi medicine aur potency 6 mahine tak continue rakhi.

Uske baad patient ko koi complaint nahi hui.

Aakhir me maine patient ko medicine band karne ko kaha.