From Classical to Mind Method: A Gradual Transition
Aaj Many Homeopath’s Mind Method ki taraf magnetize hokar kheechte chale aa rahe hain.
Bahut saare groups aur channels mein kuch aisi “chamatkarik” baatein bata di jaati hain ki:“Humne medicine di aur 25 saal purana case 15 minute mein theek ho gaya.”
Aisi baatein sunkar bahut saare log naturally attract ho jaate hain.Lekin uske saath hum ek bahut badi galti kar dete hain.Jo hum itne saalon se Homeopathy practice kar rahe hain, jis method se hamara clinic achhe se chal raha tha, hum achanak us method ko side mein rakh dete hain aur sirf Mind Method se medicine dena start kar dete hain.
Isliye mere request hai aap sab se ke is method se Magnetize mat ho jaiye. Hypnotize mat ho jaiye.Mind Method achhi hai, lekin Homeopathy ki har method mein kuch na kuch achha hai.Jo method aapki understanding aur frequency ke saath match karegi, aap naturally uski taraf attract honge.
Aapko uske achhe mentors milenge, aap usko seekhenge, practice karenge aur dheere-dheere results bhi milenge.Isliye jis method se aapka clinic itne din se chal raha hai, jis method se aap earning kar rahe hain, use ekdum se mat chhodiye.Mind Method seekhiye. Achhe se padhiye.Lekin jab aap 4–5–6 mahine practice karenge aur confidence develop hoga, tab initially 10 patients mein se sirf 1 patient par apply kijiye.Phir jab confidence aaye toh 1 se 2, 2 se 3 cases kijiye.Jab aapko lage:“Ab mujhe is method ki understanding aa gayi hai. Main confidently case ko handle kar sakta hoon.”Tab gradually is method ka use badhaiye.Achanak poori practice ko shift mat kijiye.Warna possibility hai ki aap apne clinic ke patients lose kar de
Homeopathy ki har method apni jagah useful hai.Aapko jo method suit karti hai, usko seekhiye.Agar aapki purani practice achhi chal rahi hai, toh usko continue rakhiye.Mind Method ko gradually apni practice mein integrate kijiye.
Mujhe bhi jab Mind Method ki taraf aana tha, mujhe mere mentor ne advice di thi ki ekdum se apni purani practice mat chhodo.mai dheere-dheere Mind Method ki taraf aaya.Dheere-dheere medicines deni start ki.Aaj bhi mera background dekhen toh mere paas bahut saare old patients aur old records hain.Lekin us waqt unki advice maine follow ki thi aur mujhe uska fayda hua
Seminars mein hum aksar aise cases dekhte hain jo first prescription se bahut achhe respond karte hain.Iska matlab ye nahi hai ki har case first prescription se theek hoga.Chahe Rajan Sankaran sir ho, George Vithoulkas ho, koi bhi experienced physician ho—aisa nahi ho sakta ki unke 100% cases first prescription mein hi correct ho jaate hain.100% perfection insaan ke liye possible nahi hai.Agar koi doctor ye samajhta hai ki mere 100% cases first prescription mein correct honge, toh ye practical expectation nahi hai.Is baat ko jitni jaldi hum accept karenge, utna hi humare liye better hoga.
Agar koi achhi cheez sikhata hai, toh usse seekhiye.Agar baat logically samajh aa rahi hai, toh usko accept kijiye.Lekin usko apni practice mein apply karke verify bhi kijiye.Jab aapke saamne appropriate case aaye, tab us technique ko apply kijiye.Result milta hai toh note down kijiye.Repeatedly result milta hai toh apni understanding mein include kijiye.Aur agar result nahi milta, toh ye bhi accept kijiye ki:“Shayad mere liye ye method is case mein kaam nahi kar rahi.”Ye approach hona chahiye.
Jo doctor Mind Method par practice karta hai, iska matlab ye nahi hai ki har patient ke 100% cases mein sirf Mind Rubrics hi use honge.Kabhi-kabhi aapko direct specific symptom mil sakta hai.Kabhi-kabhi characteristic physical general mil sakta hai.Kabhi-kabhi particular section se ek strong rubric mil sakta hai.Kabhi-kabhi direct single remedy indication mil sakti hai.Agar remedy saamne clearly aa rahi hai, toh sirf isliye usko reject mat kijiye ki:“Main toh Mind Method wala hoon.”Ye approach sahi nahi hai.Hum kisi ek method ke prisoner nahi hain.Humein all-rounder banna hai.Saari methods seekhni hain.
Kabhi aisa bhi hota hai ki patient ke symptoms se remedy bahut clearly saamne aa jaati hai.Aise mein unnecessary mental analysis karne ki zarurat nahi hai.Agar direct prescription mil rahi hai, toh usko confidently consider kijiye.Sirf isliye extra complexity mat create kijiye kyunki aapko prove karna hai ki:“Main Mind Method se hi prescription karunga.”Ye unnecessary hai.Patient important hai, method nahi.Hamari priority patient ko samajhna aur appropriate prescription tak pahunchna honi chahiye.
Kabhi Mind se complete picture nahi milti.Aapko physical generals se strong indication mil sakta hai.Kabhi Mind Method se aap stuck ho jaate hain aur physical generals se case open ho jaata hai.Ye normal hai.Har practice mein aisa hota hai.Isliye kabhi bhi ye qasam nahi khani chahiye ki:“Main sirf Mind Method se hi prescription karunga.”Agar kisi case mein physical generals se remedy clearly mil rahi hai, toh usko use kijiye.Agar Mind se remedy mil rahi hai, toh Mind ko use kijiye.Agar dono milkar picture complete kar rahe hain, toh dono ko consider kijiye.Method hamara tool hai, religion nahi.
Aapko nayi technique seekhni hai—bilkul seekhiye.Lekin purani working technique ko ekdum se destroy mat kijiye.Aapko apni practice ko upgrade karna hai, demolish nahi karna . practice mein bhi transition hona chahiye.Pehle nayi method seekhiye.Usko samajhiye.Apply kijiye.Results dekhiye.Confidence develop kijiye.Phir gradually practice mein percentage badhaiye.
Jo doctors Classical Method se practice kar rahe hain, unse meri humble request hai:Apni Classical Practice continue rakhiye Agar kisi case mein Classical Method se aap stuck hain, wahan Mind Method try kijiye.
Mind Rubrics mein jo dependable framework hai
- Present , Predominant, Persistent
- Patient kis stage mein aaya hai?
- Uski primary concern kya hai?
- Present complaint mein kya persistent hai?
- Uske basis par case ko explore kijiye.
Lekin aisa bilkul mat kijiye ki:“Ab main Mind Method seekh gaya hoon, toh Classical Method band.”Nahi.
Jahan Classical Method se aap confidently kaam kar rahe hain, wahan usko continue rakhiye.
Jahan difficulty aa rahi hai, wahan nayi technique try kijiye.
Sirf rubric yaad kar lena enough nahi hai Rubric ko samajhna zaroori hai. Maan lijiye Fear of Extravagance ka rubric hai.
Patient ne agar kaha:“Doctor, mujhe paisa kharch karne ka darr lagta hai.”Toh directly rubric laga dena enough nahi hai Patient ki complete expression samajhna hoga.Woh actually kya feel kar raha hai? Uska fear kis context mein hai? Uske words kya hain? Uski situation kya hai?
Patient ki baat ko properly translate into rubric language karna seekhna hoga. Aur ye translation hi ultimately humein simillimum tak le ja sakti hai.
Mind Method seekhna bahut achhi baat hai. Lekin jaldi karne ki zarurat nahi hai. Pehle 5–6 mahine sincerely seekhiye.Cases observe kijiye.Application kijiye.Mistakes se seekhiye.Results note kijiye. Dheere-dheere aapke khud ke formulas aur understanding develop hone lagenge.
Jaise koi experienced teacher hota hai, toh uske paas apne experience se bahut saare practical formulas develop ho jaate hain.Woh students ko bhi easily samjha pata hai.Lekin us level tak pahunchne ke liye time aur experience dono chahiye.Isliye:Na apni purani practice chhodiye, na nayi method ko reject kijiye.Dono ko intelligently integrate kijiye.
Humara mission kya hai?
- Patient ko benefit dena.Patient ke liye jo method best work kare, usko use karna hai.
- Kabhi Mind se remedy milegi.
- Kabhi Physical Generals se.
- Kabhi Particulars se.
- Kabhi Direct characteristic symptom se.
- Kabhi kisi aur approach se.
Humein kisi ek method ko ek religion ke jaisa follow nahi karna hai Humein Homeopathy ko samajhna hai. Isliye jo doctors apni practice mein already successful hain, woh apni running practice ko continue rakhein.Nayi method seekhein.Usko gradually apply karein.Jahan result mile, usko develop karein.Jahan difficulty aaye, seniors aur colleagues se discuss karein.
Mind Rubric Learning Group , Channel or Telegram Group isi purpose se hai—learning aur mutual guidance ke liye. Koi bhi doctor confuse ho toh case group mein discuss kare group mein aur bhi experienced colleagues hain.Jo jis topic ko jaanta hai, woh guide karega. Aaj jo junior hai, kal experience lekar woh kisi aur junior ko guide karega. Ye learning ka ek continuous process hai.Isliye na disappoint hone ki zarurat hai aur na hi bahut extra energy laga kar bahut fast chalne ki.Slow and steady chaliye. Homeopathy aapko bahut behtareen muqam de sakti hai.
Thank you.
