Gurukul Homeopathy
Ghar Ghar Homeopathy – Har Ghar Homoeopathy
Lectures by: Dr. Manoj Makani
Written by: Dr. Ajaz Khan
We Treat, Nature Heals
Truth hamesha maujood hota hai. Use banaya ya badla nahi ja sakta, sirf samjha ja sakta hai. Jaise gravity ka law jo hamesha se tha, lekin jab Newton ne use explore kiya tab duniya ne use samjha. Isi tarah Law of Similia bhi hamesha se maujood tha. Hahnemann ne is natural law ko discover kiya aur use practical form me present kiya.
Homeopathy ka approach holistic hai. Yeh sirf kisi ek organ ya symptom ko nahi, balki poore insaan ko ek individual ke roop me treat karti hai.
Insaan ko baaki saare organisms se alag karne wali baat hai sochne, samajhne aur decision lene ki kshamata.
Kisi bhi cheez ko baar-baar karne aur lagataar practice karne se woh ek skill ban jaati hai aur dheere-dheere subconscious level par kaam karne lagti hai.
Seekhne ka sahi tareeqa yeh hai ki pehle jo gyaan mile use suna jaye, phir us par socha jaye, use samjha jaye aur phir use apne jeevan aur practice me apply kiya jaye. Jab koi baat practically kaam karne lage aur sach mehsoos hone lage, wahi asal gyaan hota hai.
Jisko seekhne ki sachchi ichha hoti hai, woh har jagah seekh sakta hai. Ghar ho, school ho ya koi aur jagah, seekhne ki lagan ho to sahi samay par sahi guidance mil hi jaati hai.
Philosophy ko samajhne ke liye zaroori hai ki use us vyakti ki soch aur kaam ke sandarbh me samjha jaye jisne use likha hai. Agar aisa nahi kiya gaya to galat interpretation hone ke chances badh jaate hain.Jab kisi vyakti ki baatein baar-baar suni jaati hain jisne un principles ko apne jeevan aur practice me safalta se apply kiya ho, to dheere-dheere woh baatein mann me apni jagah bana leti hain. Phir un par amal karna natural ho jaata hai.
Jeevan me khush rehna saral hai, lekin saral rehna kathin hota hai.
Aap nature se jaisi expectation rakhte ho, nature aapko waisa hi response deta hai.Safalta tabhi milti hai jab aap apne kaam ko pasand karte hain. Jab tak kaam pasand nahi hota, tab tak usme lagataar mehnat karna mushkil hota hai.Jeevan me advice dene wale bahut milenge, lekin advice ya opinion sirf uska maana jaana chahiye jisko us kaam ka practical anubhav ho.
Give and take ka principle pehle dene par adharit hota hai. Pehle service deni chahiye, phir samne wale ki affordability ke hisaab se charges lene chahiye. Zyada lalach soch aur decision-making dono ko prabhavit karta hai.
Ab sawal yeh hai ki homeopathy seekhna aapki sirf ichha hai ya aapka mission ?
Agar homeopathy seekhna sirf ichha hai, to beech me rukne ya rasta badalne ke chances zyada hote hain.
Agar homeopathy seekhna mission hai, to roz mehnat hoti hai, understanding gehri hoti hai aur dheere-dheere expertise develop hoti hai.
Kya apne Guru ki har baat par aankh band karke bharosa karna chahiye?
Nahi. Achhi baatein seekhni chahiye, lekin jo baat logic aur experience se match na kare, use accept nahi karna chahiye.
continue…….
Leave a Reply