Age/Sex: 24-year-old female
Diagnosis: Pan sinusitis with severe headache since 15 days
Dr: Kya takleef hai aapko?
Pt: Sir, sardard aur body pain hai… aur cold bahut zyada hai. Pehle bhi climate change me cold hota tha, par itna lamba nahi chalta tha. Abhi 15 din ho gaye hain, aur relief hi nahi mil raha.
Dr: 15 din se ye sab chal raha hai, kaam kaise manage kar rahi ho?
Pt: Sir, honestly bolu toh irritate ho jaati hoon… (halki si smile). Kaam karte waqt koi baar baar kuch puchta hai ya disturb karta hai na toh gussa aa jaata hai. Kabhi kabhi toh haath bhi uth jaata hai agar bachche zyada pareshan karein toh.
Dr: Achha… itna gussa? Aur kya cheezein gussa dilati hain?
Pt: Jab koi baar baar sawaal karta hai ya same baat repeat karta hai toh gussa aa jaata hai. Mere baby ko log bar bar god me le lete hain ya chhedte hain toh wo cranky ho jaati hai, fir mujhe gussa aata hai. Aur agar koi meri baat nahi maanta ya mujhe contradict karta hai toh bhi gussa aata hai.
Dr: Agar kaam karte waqt sardard aur cold zyada ho jaaye toh kya karti ho?
Pt: Fir main thoda rest leti hoon. Bacchi ko chup karaake thoda shaanti se leti hoon. Rest ke baad fresh feel hota hai fir se kaam karne ka mann karta hai.
Dr: 2 hafte se aap bimaar ho, isse aapko kya tension hoti hai?
Pt: (Smile karte hue…) Tension matlab financial worries hain sir. Kabhi kabhi lagta hai ki manage karna mushkil ho jaata hai. Sochti hoon ki main bhi kuch kamau, par baby chhoti hai isliye kaise ho, samajh nahi aata.
Dr: Aapki illness ko leke koi specific worry?
Pt: Jab headache hota hai toh sirf ek cheez chahiye hoti hai — shaanti! Koi disturb kare ya zyada awaaz ho toh irritate ho jaati hoon.
Rubrics :
Disturbed – averse to being
Quiet, wants to be – repose and tranquility; desires
Anger – contradiction from
Quarrelsome – disturbed, if
Irritability – pain during
Impatience – coryza
Intolerance – complaints; intolerance of his
Prescription:
Rx: Nux-vomica 200 – one single dose
Plus: Phytum pills for support
Follow-up:Third day pe patient ne bataya ki 50% se zyada relief mila hai. Sardard aur cold dono kaafi had tak better hain.
Sabse khaas baat ye boli – “Sir, ab irritability bhi kaafi kam ho gayi hai.”
Ek week baad Nux-v 200 repeat kiya gaya. Almost complete recovery ho gayi within next 3-4 days.
Nux-vomica ka short temperament analysis:Ye patient unhi classic Nux-v type me se thi – no-nonsense, dedicated aur fastidious. Kaam me disturbance ya chhoti chhoti baatein bhi bardasht nahi hoti. Jab tak health thik hai tab tak sab perfect, lekin jaise hi bimaar padti hai toh gussa aur chidhchidhapan bahut zyada ho jaata hai. Shaanti chahiye hoti hai, aur baar-baar puchne pe aur zyada irritate hoti hai.
Leave a Reply