Bachchon ke cases mujhe isliye pasand hain kyunki yahan fake kuch nahi hota.
Bachcha jo hai, wahi hota hai. Point blank.
Adult patient bol deta hai “mujhe gussa nahi aata”,aur side me baitha aadmi ya aurat turant bol deta hai “doctor sahab, daily ka hai”.
Bachchon me ye bakwaas nahi hoti.
Isliye child case me sabse pehle observe karo, baat baad me.
OPD me jo common problems aati hain wo sabko pata hai — cold, cough, loose motions, tonsils, pet dard, chest issues, growth slow, leg pain.
Lekin yaad rakho — problem bachche ko baad me hoti hai, parents ko pehle.
Parents ka panic bhi case ka hissa hota hai. Ignore nahi karna.
Homeopathy me koi shortcut nahi hota.“Is age me ye chal jaata hai” — ye line yahan kaam nahi karti.
PROPER CASE-TAKING, PROPER ANALYSIS, phir medicine.Aur jab remedy sahi hoti hai na, to kai baar 1–2 doses kaafi hoti hain. Ye theory nahi, ground reality hai.
Chhota bachcha (5–8 saal) ho to main zyada bachche ko nahi, parents ko sunta hoon.Is age me bachche ke apne opinions stable nahi hote. Ghar ka environment hi reflect hota hai.
Main seedha sawal poochta hoon:
“Bachcha kehna maanta hai ya nahi?”
Yahin se case khulna start hota hai.
Jo bachcha jaise bola waise maan leta hai, argue nahi karta —wo YIELDING DISPOSITION me aata hai.
Jo bilkul nahi maanta, daant do, maar do, phir bhi apni hi karta hai —wo DISOBEDIENT hai.
Phir aati hai zid aur demands.
Koi bachcha roz nayi cheez maangta hai — toy, chocolate, kuch bhi.
Ye DESIRES MANY THINGS ya DESIRES EVERYTHING.
Aur koi bachcha aisa hota hai jisko kuch chahiye hi nahi.Jo mila, usme khush.
Ye DESIRES NOTHING.
Parents jab ye bolte hain, wo unknowingly rubrics de rahe hote hain.
Fear bahut common hai bachchon me Sirf “darr lagta hai” likhna kaam ka nahi.
Andhere se → FEAR OF DARK
Injection se → FEAR OF INJECTION
Chot lagne se → FEAR OF INJURY
Bhooton se → FEAR OF GHOSTS
Exact fear = exact clue.
Kuch bachche baith hi nahi sakte.
Chair pe baithte hi khade, phir bhaagna.
Ye clear AVERSION TO SITTING hai.
Aur kuch bachche bilkul ulte — slow, dull, response late.
Dono extremes equally important hain.
Gussa, tantrums, hyperactivity —ye sirf bad behaviour nahi,
Ye MENTAL SYMPTOMS hain.
Ignore karoge to case bigadoge.Kuch bachche bahut sensitive hote hain.Thoda sa daant diya, to rona.Thodi si criticism, to deeply hurt.
Ye SENSITIVE TO CRITICISM / REPROACHES
Fastidious vs careless bhi note karo.Bag, books, pencil sab perfect — FASTIDIOUS.
Bag fek diya, koi parwah nahi —
Ye CARELESS / FRIVOLOUS.
Ye chhoti baat lagti hai, par remedy yahin se nikalti hai.
Kuch bachche har baat pe “kyun?” poochte rehte hain. Questions khatam hi nahi hote.
Ye INQUISITIVE / CURIOUS.
Aur kuch sirf 1–2 sawal pooch ke chup ho jaate hai
Ye LIGHT DESIRE TO KNOW.
Dono ko same mat samajhna. Kabhi-kabhi aise bachche milte hain jo TV me maar-peet, blood, violence dekh hi nahi sakte.Aankh band, channel change.
Ye CANNOT BEAR TO SEE CRUELTY, EVEN IN CINEMA.
Bahut high-value rubric hai, miss nahi karna.
Last but very important — upbringing.
Zyada strict parents, constant pressure, “first hi aana chahiye”, punishment culture.
Ye AILMENTS FROM DOMINATION ke under aata hai.
Is history ke bina child case incomplete rehta hai.
Bachchon ka case lena matlab sirf bimari nahi, poora bachcha samajhna.
Observe karo. Judge mat karo.
Rubric force mat karo.
Bachcha khud bata deta hai bus doctor ko sunna aana chahiye.
Leave a Reply