42 saal ki ek lady ko kai saalon se halka fever, body pain, weakness, headache aur saans ki takleef thi. Bahut medicines lene ke baad bhi khas fayda nahi hua.Woh apni tabiyat ko hamesha ignore karti rahi kyunki uska poora dhyan ghar aur bachchon par tha. Nature se bahut chup rehne wali thi. Kisi ko mana nahi kar pati thi aur dusron ki baat dil par le leti thi, lekin saamne kuch nahi bolti thi.Ab usko logon se milna achha nahi lagta tha, phone ki awaaz se bhi irritation hoti thi aur akela rehna pasand tha. Use darr rehta tha ki kahin serious bimari na ho aur kabhi bhi death ho sakti hai.Khud ki takleef kam batati thi lekin bachchon ki bahut tension leti thi. Dil me emotions bahut the lekin openly show nahi kar pati thi.
In rubrics ke basis par case liya gaya:
- COMPANY, aversion to
- DELUSIONS, sick and for this reason will not work
- FEAR, death, soon that she will die
- SECRETIVE
- AFFECTION, cannot demonstrate
- ESCAPE, family children from her
- MISERABLE, feeling
- ANXIETY, children about her
- AILMENT, domination by others
Sepia C6 di gayi.
Follow-up me patient ne bataya:“Medicine ke baad sabse bada change yeh hua ki ab main logon ko unki galti bata deti hoon.”Woh hansi aur boli:“Pehle main khush nahi thi aur meri timid nature ki wajah se dusre khush rehte the. Ab main khush hoon, lekin dusre utne khush nahi kyunki maine bolna shuru kar diya hai.”
Dedh mahine treatment chala aur uske baad unhe medicine ki zarurat mehsoos nahi hui.
Leave a Reply