Mrs. Y, 33 saal ki lady,
Woh me mere paas in complaints ke liye aayi:Sinusitis , Vertigo , Headache , Mental confusion , Hyperacidity iske liye pehle bahut allopathic treatment liya aur kai doctors change kiye.
Dr : accha fir homeopathic treatment lene ka decision kaise kia ?
Pt :Mere liye husband ki help ke bina koi decision lena bahut mushkil hai. Mujhe decisions lene se darr lagta hai.
Dr :Kis baat ka darr?
Pt : Mujhe failure ka darr lagta hai. Jaise aapke paas aane se pehle maine husband ko bola ki main allopathy chhodkar homeopathy try karna chahti hoon. Unhone mana kar diya. Unhone kaha homeopathy bekaar hai, Yoga ya Naturopathy karo. Aakhir me maine unhe mana liya ki thode time ke liye try kar leti hoon. Agar fayda nahi hua to jo woh kahenge wahi karungi. Unki permission ke baad hi main yahan aayi hoon. Ab mujhe result ki tension ho rahi hai. Agar mujhe relief nahi mila to bura lagega aur husband bhi kahenge ki meri baat nahi maani. Isliye main bahut nervous hu.
Dr :“Kya yeh feeling aapko usually rehti hai?
Pt :“Mujhe nahi pata yeh illness ki wajah se hai ya nahi, lekin jab se main bimar hui hoon tab se bahut jaldi irritate ho jati hoon.
Dr :Kis baat se irritation hoti hai?
Pt :Mujhe lagta hai mera family — husband aur sasural wale — mujhe samajhte nahi hain. Ya Shayad samajhne ki koshish bhi nahi karte. Pata nahi, ho sakta hai karte ho.Jaise mere husband ne Yoga karne ko bola. Shayad woh sahi ho, lekin mujhe samajh nahi aata sirf Yoga se koi kaise theek ho sakta hai. Phir bhi maine unse argue nahi kiya.Mujhe lagta hai shayad woh meri problem samajhna nahi chahte.
Pt : Ek aur baat jo irritate karti hai woh mera beta hai. Uski handwriting bahut kharab hai aur padhai me concentration bhi kam hai.Jab main use sudharne ki koshish karti hoon to grandparents bolte hain abhi chhota hai, time ke saath improve ho jayega. Lekin mujhe lagta hai sudharne ka yahi waqt hai.”
Pt : Mujhe ideal family chahiye.
Dr : Matlab?
Pt : Sab log subah jaldi uthen, saath breakfast karein, saath meals karein aur ek dusre ke saath waqt guzarein. Sab ek dusre ko samjhein, respect karein aur suggestions sunein. Mujhe har cheez perfect aur proper place par chahiye. Ghar me dust, gande ya badbudar kapde bilkul tolerate nahi hote. Aur agar kisi ke liye kuch karna ho to dil se karo, warna mat karo.
Pt :Main aasani se kisi par trust nahi karti. Kabhi kabhi main God se poochti hoon ki mere saath aisa kyun hua.
Dr :Kya aap God par believe karti hain?
Pt :Haan, lekin dikhawa pasand nahi. Mere liye devotion ka matlab sirf rituals nahi, dil se connection hai.main har cheez ka timetable banana pasand karti hoon, lekin kabhi kabhi lazy ho jati hoon aur phir khud ko blame karti hoon.Main ideal aur punctual person banna chahti hoon. Har kaam time par hona chahiye. Agar mera beta kuch galat karta hai to mujhe lagta hai meri galti hai kyunki maine use achhi habits aur values nahi di.Jab rest karne jati hu to sochti rehti hu ki life me kitna kuch karna hai. Phir khud se puchti hu ki itni precious life waste kyun kar rahi hu.Main independent banna chahti hoon, kaam karna chahti hoon. Lekin family ki wajah se nahi kar rahi. Mere liye mere bete ki education aur family sabse pehle hai. Main duniya me apni pehchan banana chahti hu, lekin family disturb ho to kabhi aisa step nahi lungi.Main ghar ke bado ke saamne kuch nahi bolti. Agar woh kuch hurtful bhi bol dein to chup rehti hoon. Lekin phir poora din wahi baat sochti rehti hu.”
In rubrics ke basis par case liya gaya:
- TIMIDITY
- WILL contradiction of
- FASTIDIOUS
- AFFECTIONATE
- REST, when things are not in their proper place, cannot
- PASSIONATE
Rx
Anacardium C6 prescribe ki gayi.
Yeh case 8 mahine me solve hua. Beech me Anacardium C30, C200 aur aakhir me C1000 diya gaya.
Leave a Reply