DENTISTRY AND HOMOEOPATHY

DENTISTRY AND HOMOEOPATHY

Purane zamane me dentistry aaj jaisi professional field nahi thi. Us waqt hajjam, lohar, ghadi repair karne wala ya mochi bhi daanton ka ilaaj kar leta tha. Koi proper dental degree ya training system nahi tha. Log aadmi ke tajurbe aur kaam dekhkar uske paas jate the. Emergency me bhi wahi log bulaaye jate the. Dheere-dheere dentistry develop hui aur science aur art dono ka combination ban gayi. Sirf daant nikal dena hi dentistry nahi maana gaya. Dental colleges shuru hue aur BDS jaisi degree ke saath proper scientific training milne lagi.

Mera maanna hai ki aaj ki dentistry me bhi kai aisi conditions aati hain jahan homoeopathy dentist ki madad kar sakti hai.mere mutabik homoeopathy ka relation medicine ki kai branches se hai jaise gynaecology, paediatrics, surgery, orthopaedics aur ENT.

Homoeopath ke paas filling ya extraction karne ke instruments nahi hote, lekin diagnosis ke baad kai dental complaints me medicines se madad ki ja sakti hai.

Toothache, gum boil, oral sepsis, stomatitis, ulcers, dental decay, masoodon ki sujan, zyada laar aana aur kaan tak failne wala dard aisi conditions hain jahan homoeopathic treatment zarur madad karti hai.

Dental complaints me alag-alag tarah ke dard aur pathology ke hisab se remedies use kar sakte hai.

Neuralgic type ke dard me Cham, Mag Phos, Coffea aur Plantago..

Jab sujan aur inflammation zyada ho to Merc Vivus, Merc Sol, Nit Acid, Ferrum Phos aur Belladonna ka frequently use hoti hai.

Daanton ke jaldi sadne ki tendency me Staphysagria, Kreosote, Thuja aur Mezereum kafi use me aati hai.

Gum boil aur pus wali conditions me Silicea, Merc Vivus, Calc Sulph aur Hekla Lava zabardast work karti hai.

Homoeopathic medicines alag-alag potencies me milti hain jaise 6, 30, 200 aur 1000.

Kuch medicines mother tincture form me bhi use hoti hain, jaise Kreosote, Mezereum aur Plantago.

Medicines chhoti meethi goliyon par di jati hain aur kuch medicines powder form me bhi milti hain, jaise Hekla Lava aur Calc Phos. Kuch mother tinctures ka bahar se bhi istemal kiya ja sakta hai.

Daant ki basic structure

Daant ke andar pulp hota hai jisme nerves, blood vessels aur cells hote hain. Isi wajah se daant me sensitivity aur pain mehsoos hota hai. Pulp ke bahar dentin hota hai jo daant ka main body part hai. Uske bahar enamel hota hai jo body ka sabse hard tissue maana jata hai. Root ke area me cementum hota hai jo daant ko support dene me madad karta hai.

Bachchon me doodh ke daant ek fixed sequence me nikalte hain. Sabse pehle neeche ke beech wale do daant lagbhag 6 se 8 mahine me nikalte hain. Iske baad upar ke chaar daant aate hain. Phir side wale daant aur front molars nikalte hain. Canines aam taur par 18 se 20 mahine ke beech aate hain.

Teething ke dauran baccha aksar chidchida aur bechain ho jata hai. Masoode laal aur sooje hue ho sakte hain. Baccha har cheez muh me lekar kaatne ki koshish karta hai. Laar zyada aati hai, bhook kam ho sakti hai aur kabhi-kabhi loose motions ya skin rash bhi ho sakta hai. Aise cases me symptom ke hisab se remedies di jati hain.

Fever, cough aur restlessness ke saath teething ho to Aconite ka important remedy hai.

Agar chehra laal ho, tez fever ho aur neend me jhatke aate ho to Belladonna soch sakte hai

Chamomilla us bacche ke liye batayi gayi hai jo har waqt god me rehna chahta hai aur bahut chidchida hota hai.

Coffea neend na aane aur over excitement me useful batayi gayi hai.

Ipecac nausea, vomiting aur green loose motions wali teething me di ja sakti hai.

Calc Phos kamzor aur calcium deficiency wale bachchon ke liye important mani gayi hai.

Toothache

Belladonna me dard dhak-dhak karne wala, throbbing aur burning type ka hota hai. Raat me, touch se aur chabane se takleef badh jati hai.

Chamomilla un logon ke liye hai jo dard bilkul bardasht nahi kar pate. Dard kaan tak fail sakta hai aur garam cheezon se badh sakta hai.

Coffea me dard itna zyada hota hai ki patient so nahi pata. Thanda pani muh me rakhne se aaram milta hai lekin pani garam hote hi dard wapas aa jata hai.

Merc Vivus me masoode sooje hue rehte hain aur muh se badbu aa sakti hai. Patient ko lagta hai jaise daant lambe ho gaye hain. Raat me aur geele mausam me takleef badh jati hai.

Calc Flur un logon ke liye batayi gayi hai jinke enamel me kami ho, daant rough ho ya jaldi sadte ho.

Calc Phos delayed dentition aur weak teeth ke liye important mani gayi hai.

Magnesia Carb pregnancy ke dauran hone wale neuralgic toothache me useful batayi gayi hai.

Arnica extraction, filling ya kisi dental procedure ke baad wali soreness, pain aur bleeding ke liye di jati hai.

Staphysagria me daant kaale pad sakte hain, jaldi toot sakte hain aur pyorrhoea ki tendency mil sakti hai.

Kreosote un logon ke liye hai jinke daant bahut jaldi sadte hain aur muh se badbu aati hai.

Mezereum me jadon ki problem aur neuralgic toothache ka zikr hai.

Gums bhi kai bimariyon ka signal de sakte hain.

Agar Gums peele dikhte hain to anaemia ka shak ho sakta hai.

Agar Gums par neeli line dikhe to lead ya bismuth poisoning ka khayal aata hai.

Dark pigmentation Addison’s disease ki taraf ishara kar sakti hai.

Gingivitis me Gums laal, sooje hue aur bleeding tendency wale ho jate hain. Iski common wajah oral hygiene ki kami, infection, khana jama rehna aur tartar deposits hain.

General treatment me daanton ki safai aur hydrogen peroxide mouthwash use kar sakte hai.

Masoodon ki growth jise epulis kaha gaya hai usme Calc Carb, Merc Iod, Plumbum, Sepia aur Thuja soch sakte hai.

Daant nikalne ke baad agar gums dard kare ya bleeding ho to Arnica aur Sepia soch sakte hai.

Soft, spongy aur receding gums ke liye Agave Americana, Alumina, Ant Crud, Arnica, Ars, Baptisia, Carbo Veg, Echinacea, Hepar aur Iodum soch sakte hai.

Pus wali conditions me Kali Sulph, Calcarea Sulph aur Silica ko importance di hai.

Jab discharge peela aur chipchipa ho to Kali Sulph ka khayal aata hai.

Jab pus gaadha, peela aur kabhi-kabhi khoon mila hua ho to Calcarea Sulph ka naam diya gaya hai.

Jab pus ban chuka ho aur usko mature karke bahar lane ki zarurat ho tab Silica useful mani gayi hai.

Loose teeth

Calc Fl jab Daant socket me dheele ho jaye, enamel patla ya brittle ho aur daant jaldi kharab hone lage to socha jana chahiye.

Calc Fl aur Calc Phos ko alternate bhi de sakte hai

Calc Phos ko delayed dentition me specific remedy bol sakte hai .

Mag Phos neuralgic toothache ke liye important remedy hai. Jab dard teekha, shooting ya current jaisa ho aur garam cheezon se aaram mile to ye remedy yaad rakhni chahiye.