Who Is the Physician?

Chapter 1

Who Is the Physician?

Jab ek patient clinic me aata hai, to woh sirf bimari lekar nahi aata, balki apna concern lekar aata hai. Agar doctor sirf bimari dekhe aur patient ke concern ko na samjhe, to chahe dawa sahi ho, cure adhura reh jaata hai.Homeopathy, khaaskar Concern-based approach, yahi sikhata hai ki physician sirf medicine likhne wala nahi hota. Physician woh hota hai jo patient ke shabdon ke peeche chhupa hua concern mehsoos kar sakta hai.

Ek accha physician maa ki tarah hota hai — jo bina zyada kahe patient ke tone, chehre aur gestures se samajh jaata hai ki patient kis baat se pareshaan hai. Patient kya keh raha hai important hai, lekin woh kis concern ke saath keh raha hai, yeh aur zyada important hota hai.

Saath hi physician ko baap ki tarah bhi hona chahiye — jiske saamne baith kar patient ko yeh mehsoos ho ki “ab koi hai jo meri zimmedari le raha hai.” Is bharose se patient ka aadha bojh wahi halka ho jaata hai.

Beginner doctor aksar galti karta hai. Woh pehle diagnosis, phir rubric aur phir remedy sochta hai. Mind Method me order ulta hota hai —pehle insaan, fir uska concern, fir uski rubric fir remedy .

Is chapter ka simple sa message hai:jab patient aapke saamne ho, to apne aap se poochho —“Yeh patient mujhse kya chah raha hai?”Sirf dawa nahi, balki samajhna, bharosa aur sahara.

Agar concern clear ho gaya, to remedy apne aap clear ho jaati hai.Yahin se Concern-based Homeopathy ki shuruaat hoti hai.

Continue…-